فارن سروس اکیڈمی دُن ءُ پوسکن ءُ گریجویٹ تیار کیک،وزیر خارجہ

اسلام آباد : وزیر خارجہ بلاول بھٹو زرداری پارینے کہ فارن سروس اکیڈمی ٹی ورناسفارتکار آتا تربیت نا پوروی آن پد اسہ سفر اس چٹانے وخت اس کہ اوفتے کن اسہ پوسکن ءُ سفر اس بناکرینے۔ وزیر خارجہ داگمان نا درشانی ءِ کرے کہ فارن سروس اکیڈمی دُن ءُ پوسکن ءُ گریجویٹ تیار کیک ہرا ہر لحاظ اٹ قابل مریرہ۔ دود انا ایسر آ وزیرخارجہ بلاول بھٹو زرداری فارن سروس اکیڈمی آن فارغ مروک آ گریجویٹ آتیٹی سند و میڈل بشخا۔ داکان مست فارن سروس اکیڈمی نا ڈائریکٹر جنرل اکیڈمی آ بننگ آ وزیرخارجہ و ایلو مہمان تے بخیر کرسا اوفتا منت واری ءِ ہرفے۔ اوپارے کہ پاکستان نا وزارت خارجہ نا آفیسر آتا تربیت کن دا ادارہ اہم خذمت سرتننگ ءِ و پوسکن آ گریجویٹ آتیکن ہیلکاری پروگرام بھاز اہمیت تخک۔ اینو نا پروگرام اٹی 21 گریجویٹ آتے سند تننگ انگ ءِ۔ اوپارے کہ ادارہ ءِ آخبت نا خواست آتون ہم گرنچ کننگ کن گام گیج کننگ انگ ءِ۔

(اے پی پی)