السی و فوجی ملکیت آتیا جلہو کننگ، بے چیٹی ودی کننگ غلط ءُ وڑوڈول اسے، سلیم کھوسہ
ڈیرہ مراد جمالی: صوبائی اسمبلی نا باسک میر سلیم احمد خان کھوسہ صحبت پور نا غٹ یونین کونسلز ومیونسپل کمیٹی نا چیئرمین تتون اوار اسہ ہلہلہ ئی اسیجائی پریس کانفرنس آن تران کرسا پارے کہ 9 مئی ملکی تاریخ نا تہار ءُ دے اس گدرینگاہراٹی اسہ سیاسی پارٹی اسے نا سروک ءِ دزگیر کننگا ہرانا دزگیری آن پد ہراردعمل کننگا ملکی ملکیت و حکومتی و پاکستان نا فوج انا ادارہ غاتیا جلہو کننگ و بے چیٹی ودی کننگ غلط ءُ وڑوڈول اسے ہرانا ترندی اٹ مذمت ءِ کینہ و حکومت آن خواست کینہ کہ داوڑنا زموار آتا برخلاف سخت ایکشن ہلسا اوفتے سخت سزاتننگے تانکہ آخبت ولدا داوڑنا واقعہ مف۔ اومستی پارے کہ عمران خان آن مست ہم سیاسی پارٹی تا سروک آتا دزگیری مسنے وخت اس ہم داوڑنا ردعمل متنے داوڑملکی حالیت آتے خراب کننگ بے چیٹی تالان کننگ و ملک اٹی جلاؤ گھیراؤ کرسا قیمتی ملکیت آتے نسخان تننگ ملک انا فائدہ ٹی اف بلکن ملک دشمنی نا مترادف ءِ ہرانا اخس کہ مذمت ءِ کننگے کم ءِ۔
(اے پی پی)