کروناوائرس نا مون ئِ توننگ کن قومی کوشست آتتون پبی کمک کننگے، آرمی چیف

راولپنڈی(آن لائن)آرمی چیف جنرل قمر جاوید باجوہ پارت کرینے کہ کرونا وائرس غا کنٹرول کننگ کن قومی کوشست آتے جوان کمک کننگے۔ پاک فوج نا ترجمان میجر جنرل بابر افتخار نا کنڈآن ٹویٹ اسے ٹی پاننگانے کہ آرمی چیف جنرل قمر جاوید باجوہ نا کماشی ٹی کور کمانڈرز کانفرنس مس ہراٹی سلہہ بند فوج انا آپریشنل تیاریک و لائن آف کنٹرول نا حالیت آتا جاچ ئِ ہلنگا۔ ڈی جی آئی ایس پی آر نا رداٹ دیوان اٹ اوغان مفاہمتی عمل نا رداٹ ڈیہ ٹی سکیورٹی حالیت آتا ہم جاچ ئِ ہلنگا۔ آرمی چیف جنرل قمر جاوید باجوہ پارینے کہ خطہ ٹی امن و ایمنی نا کسر اوغانستان آن ہنسا گدرینگک۔ اواری نا کوشست آتے ٹی چیلنج آتتون مون تننگک۔ پاکستان است انا ہُب اٹ تینا کڑد ئِ ادا کننگ کن تیار ئِ۔ دیوان اٹ کرونا وائرس نا حالیت نا ہم جاچ ئِ ہلنگا وخت اس کہ فوج اٹ کرونا وائرس نا بابت اٹ کروک آ گام گیج آتے آ ہم ہیت و گپ کننگا۔ آرمی چیف جنرل قمر جاوید باجوہ پارت کرینے کہ کرونا وائرس آ کنٹرول کننگ کن قومی کوشست آتا کمک ئِ کننگے۔