ہائی وے تیا مسافر تا آسراتی کن موٹروے پولیس نا نفری ءِ ودفنگانے‘ طاہر علاو الدین کاسی
Get real time updates directly on you device, subscribe now.
کوئٹہ : ڈی آئی جی موٹر وے پولیس ویسٹ زون طاہر علاؤالدین کاسی پارینے کہ ہائی وی تیا ودوک آ شکست آتا توننگ و مسافر تا آسراتی کن موٹر وے پولیس نا ودکی ءُ نفری تعینات کرینے۔ ڈی آئی جی موٹر وے پولیس نا پاننگ ءِ کہ ہفتہ وار چٹھی نا وخت آ رکھوک سفر کن آئی جی موٹر وے پولیس خالد محمود نا پارت آتا روشنائی ٹی ڈی آئی جی ویسٹ زون طاہر علاوالدین کاسی ہائی وی تیا رکھوک ءُ سفر اسے بابت عملدرآمد کرفنگ کن افسر تے پارت جاری کرینے کہ 25 سیکٹر ون اوتھل، سیکٹر تھری قلات، سیکٹر این 10 گوادر و این 50 سیکٹر ون قلعہ سیف اللہ ٹی ہفتہ وار چھٹی ٹی زیات افسر تعینات کرینے دا کاریم نا مسخت چھٹی تا وخت آ ہائی وی تیا ٹریفک نا روانی ءِ اسہ وڑ تخنگ و مسافر تے وخت آ کمک نا آسراتی رسینگے۔ ڈی آئی جی موٹرویز ویسٹ زون افسر تے پارت کرینے کہ چھٹی نا وخت آ ٹریفک نا روانی ءِ اسہ وڑ تخنگ کیر۔
(آن لائن)