صحبت پور: ڈی سی فریدہ ترین نا پارت آ الس ءِ جانجوڑی بخش آ کنشت نا فراوانی کن چھاپہ مار کارروائی
مین بازار اٹی گندہ آ سو تلف، دوکان سیل و دوکاندار آ 10 ہزار روپئی جرمانہ خلنگا
Get real time updates directly on you device, subscribe now.
نصیرآباد: ڈپٹی کمشنر صحبت پور فریدہ ترین نا پارت آتا رِد اٹ ضلعی انتظامیہ الس ءِ آب اٹنگا و جانجوڑی بخش آ کنشت نا فراوانی ءِ پک کننگ کن اینو مین بازار صحبت پور اٹی سو تا آب نا جاچ ءِ ہلنگ کن چھاپہ مار کارروائی کرے۔ دا کارروائی ٹی نائب تحصیلدار دیدار علی گولا، پٹواری عامر کریم جروار، لائیوسٹاک آفیسر ڈاکٹر تمیز الدین کھوسہ تون اوار میونسپل کمیٹی صحبت پور نا عملہ ہم بشخ ہلک۔ ٹیم سو تا جتا جتا دوکان آتا خوڑتی اٹ جاچ ء الک جاچ نا وخت آ اسہ سوبہا کروک اسے تون متکنو ہیٹ سو بہا کننگ کن تخوک خننگا، ہرادے لائیوسٹاک آفیسر ہند آ ہی انسانی جانجوڑی کن نسخان دہ گوندا۔ دمدستی کارروائی کرسا سو تے ِ ضبط کننگا، دوکان ءِ سیل کننگا و دوکاندار آ 10 ہزار روپئی جرمانہ خلنگا۔