گوادر‘ سور دیر اٹ طوفان نا بابت دفعہ 144 نافذ
Get real time updates directly on you device, subscribe now.
گوادر : ڈپٹی کمشنر عزت نزیر بلوچ سور دیری طوفان بائپر جوائے نا سوب آن کرکی پٹی تون اوار رہنگوک آ باتی و ماہی گیر آتا رکھ انا بابت دفعہ 144 نا نفاذ کرسا ہائی الرٹ کرینے۔ فیصلہ نا رداٹ ماہی گیر مچھی تا شکار تون اوار ہچ ءُ کاریم اسے کن سور دیر اٹ ہننگ کپسہ۔ او نہ سیل و سواتی تے کرکی علاقہ غاتیٹی پکنک نا ہند آتیا ہننگ نا موکل مریک۔ پارت آتا رداٹ ہمو محکمہ غاتا کل ملازم آتا چھٹی تے کینسل کننگانے و ہچ ءُ ہنگامی حالیت اسے تون مون تننگ کن ہسپتال آتے ہائی الرٹ کننگانے۔ گوادر و مکران نا ڈپٹی کمشنر آتے سور دیر طوفان آن ودی مروک آ چیلنج آتون مون تننگ کن کروک آ گام گیج آتا نگرانی نا زمواری تننگانے۔
(خ ن)