غزل
یوسف عجب بلوچ
لیلڑی پاننگ اٹی ان غلغلو آ خن تتو ن
ڈیہہ اتون مخنگ اٹی ان غلغلو آ خن تتون
پھل گلشن ہر گلاب ءِ پتک تسر ہس کریر
گوگو اس پٹنگ اٹی ان غلغلو آ خن تتون
داڑے یکا گم کیرہ ہر چنا ءِ خلق انا
کِسہ اس شاغنگ اٹی اُن غلغلو آ خن تتون
لوچ لنگڑ نت شپاد اُن بے گڈر گنج آتے ٹی
خل خل آ رُلنگ اٹی اُن غلغلو آ خن تتون
شوان تا شوکار گم ءِ خاخرآتا نیام اٹی
کونٹ اسے ہرفنگ اٹی ان غلغلو آ خن تتون
نن خڑینک ہم جوڑ داسہ مسنن یوسف عجب
خن تیان تمنگ اٹی ان غلغلو آ خن تتون
ہفتئی تلار
تاک: 45
21-27 November, 2020
پنہ: 07