بے گوا کننگ ءِ چٹفنگ کن کانود جوڑ کننگک، بنجائی کابینہ

0

Get real time updates directly on you device, subscribe now.

اسلام آباد (اے پی پی) بنجائی کابینہ آڈیٹر جنرل آف پاکستان نا ادارہ ءِ پین واکدار، وتواجہ و شفاف جوڑ کننگ کن کانودی ترمیم کننگ وصوبہ سندھ اٹی ضمنی گچین کاری تا حلقہ غاتیٹی امن و ایمنی ءِ برجاتخنگ نا خاطر پاکستان رینجرز تعینات کننگ تون اوار 15 ٹکی ایجنڈا نا منظوری ءِ تسنے، کابینہ اسلام آباد اٹی زوال کروک آ ورنا اسامہ ستی نا لمہ و باوہ ءِ کانودی کارروائی و انصاف نا فراوانی نا باوری کرفے۔ کابینہ بے گواہ بندغ آتا بابت گڑتی نا درشانی ءِ کرے و دا بے گواہی تا چٹفنگ کن کانود جوڑ کننگ نا پارت کرے۔ سے شنبے نادے آ بنجائی وزیر حوالکاری و شینکاری سینیٹر شبلی فراز وزیراعظم عمران خان نا کماشی ٹی بنجائی کابینہ نا دیوان آن پد مروک آ فیصلہ غاتا بابت حوال ترسا پارے کہ تدوک آ اِراسال آن ہر سے شنبے آ کابینہ نا دیوان مرسا بننگ ءِ، اینو 15 ٹکی ایجنڈا غا سجفنگا۔ اوپارے کہ آڈیٹر جنرل آف پاکستان نا فنکشن آتا بابت اس اتنگ اُن ہرانا مسخت اونا واکداری تے زیات پیدوار کننگ شفافیت اتنگ و دنگ ءِ ودفنگ نا ءِ۔ اوپارے کہ مہالو اخس کہ وتواجہ باڈیز ئسر اوفتا آڈٹ پرائیویٹ سیکٹر آن کرفنگاکہ، امنائی اتنگ کن نیشنل بینک آف پاکستان، اوجی ڈی سی ایل پین پین اسکان آڈیٹر جنرل نا دنگ ءِ ودفنگانے۔ آڈٹ نا پیرااِراوڑانا مریک اوفتے ٹی وڑوڈول انا نقائص و سنسی خیزی نا عنصر اوار ءِ، دا ترمیم تیان آڈٹ نا وڑوڈول اٹی جدت، ڈیجیٹل ٹیکنالوجی نا کاریم اٹ ارتنگ و کسبی کاررائی مننگ کیک۔ کابینہ ءِ تیل انا اسمگلنگ ءِ توننگ کن کروک آ گام گیج آتا بابت معلومدار کننگا۔

Get real time updates directly on you device, subscribe now.

Leave A Reply

Your email address will not be published.