روسی وزیر خارجہ سرگئی لاروف زُو پاکستان نا دورہ ءِ کیک

اسلام آباد(آن لائن) وزیرخارجہ شاہ محمود قریشی پارینے کہ روسی وزیر خارجہ سرگئی لاروف زوت اس پاکستان نا دورہ ءِ کیک اونا دورہ غان روسی صدر پیوٹن نا پاکستان نا دورہ نا کسر ساف مریک، سی پیک اٹ کل ملک آتے اوار مننگ نا دعوت تننگک وسطی ایشیائی ملک آک پاکستان اٹ زرکاری کیر۔ ٹی وی اسے تون ہیت وگپ کرسا شاہ محمود قریشی پارینے کہ اقوام متحدہ ءِ اگہ بنجائی کڑد تروئی ءِ تو اونا قرارداد آتیا عمل بایدے مرے، کورونا دَین اٹ پاکستان نا حکمت عملی نا ستا ءِ کننگا، او پارینے کہ بھارت دنیا ٹی داسہ تنیا مسنے۔ چین و روسی وزیر خارجہ تون جوان چاگڑد اسے ٹی اوڑدہی مس۔ روسی وزیر خارجہ تون اوڑدہی ٹی جوان ہیت مس۔ روس نا وزیر خارجہ زوت اس پاکستان نا دورہ غا بننگ اٹی ءِ۔ اسرائیل نا بابت وزیر اعظم عمران خان نا دوٹوک بیان مون آ بسنے۔ شاہ محمود قریشی پارینے کہ سی پیک اٹ کل ملک آتے اوار مننگ نا دعوت ایتنہ۔ وسطی ایشیا نا ملک آک بریر و پاکستان اٹ زرکاری کیر۔ او پارینے کہ روسی وزیر خارجہ زوت اس پاکستان نا دورہ ءِ کیک اوکان پد  روسی صدر ولادیمیر پیوٹن نا کینسل مروک آ دورہ نا گمان ہم روشن مریرہ۔