ڈی جی لیویز نا غیرحاضر آ لیویز کارندہ غاتے سروس آن فارغ کرے
کوئٹہ : ڈائریکٹر جنرل بلوچستان لیویز فورس نصیب اللہ کاکڑ کمانڈنٹ ٹریننگ سینٹر خضدار نا رپورٹ نا روشنائی ٹی یانزدہ لیویز کارندہ ہرافتا تعلق ضلع واشک، قلات، آواران و زیارت آن ءِ اوفتے ٹریننگ آن غیر حاضری آ سروس آن فارغ کرے۔ پڑو نا رداٹ فارغ مروک آ لیویز کارندہ غاک 2 مئی 2023 آ LTC خضدار و خضدار کینٹ اٹ 33 Div نا کنڈآن تروک آ اٹھارہ (18) ہفتہ نا بنداوی ٹریننگ آن سرکاری چھٹی آن بیدس غیر حاضر کیا۔ حالانکہ غیر حاضر لیویز ملازم آتے وخت آ پارت کننگاسس کہ او ٹریننگ کن مرکز اٹ ساڑی گری ءِ پک کننگے ولے او ٹریننگ اٹ اوار مننگ اٹ بے سہب و غیر حاضر مس و کانودی پارت آتا نافرمانی ءِ کرے۔ ڈائریکٹر جنرل بلوچستان لیویز فورس لیویز فورس ڈسپلنری رولز، 2015 نا رداٹ عطا کردہ اختیار آتیان کاریم ہلسا لیویز ملازم حبیب اللہ سکنہ واشک،محی الدین سکنہ واشک، عبدالمالک سکنہ قلات، ارشاد اللہ سکنہ قلات، محمد ابراہیم سکنہ قلات، مسعود الرحمن سکنہ قلات، نوید احمد سکنہ آواران، محمد رفیق سکنہ آواران، عبدالباسط سکنہ زیارت، شعیب خان سکنہ زیارت و میروائس سکنہ زیارت ءِ زوت اس ”سروس آن اینک کننگ نا ” پارت کرے۔
(خ ن)