آئی ایم ایف وزارت خزانہ نا 8.2 ارب ڈالر نا فنانسنگ گیپ پلان ءِ امنا کرے

اسلام آباد: آئی ایم ایف وزارت خزانہ نا 8.2 ارب ڈالر نا فنانسنگ گیپ نا پلان ءِ امنا کرے‘ حوالی نا رد اٹ وزارت خزانہ و آئی ایم ایف اٹ ایکسٹرنل فنانسنگ ہدف پک مسنے‘ آئی ایم ایف 8.2 ارب ڈالر نا فنانسنگ گیپ انا پلان ءِ امنا کرینے‘ ہرانا رد اٹ آئی ایم ایف تون اوار جہانی و ایشیائی شونداری بینک آن فنڈہلنگک‘ وخت اس کہ سنگت ملک چین، سعودی عرب، یو اے ای آن فنانسنگ دوئی کننگک‘ وزارت خزانہ پلان نارد اٹ برجا مالی سال چین آن 3.5 ارب ڈالر فنانسنگ نا بست وبند کننگک۔ یو اے ای آن 1 ارب ڈالر نا فنانسنگ دوئی کننگک‘پلان نا رد اٹ ایشیائی شونداری بینک آن 50 کروڑ ڈالر نا فنڈنگ ہلنگک وخت اس کہ جہانی بینک آن 50 کروڑ ڈالر دوئی کننگ نا پلان ءِ و آئی ایم ایف آن 3 ارب ڈالر وام معاہدہ نا رد اٹ رسینگرہ۔

(آن لائن)