برطانیہ تینا شاری تے پاکستان نا منہ علاقہ اسے ٹی ہننگ آن تورے

لندن، اسلام آباد : برطانوی حکومت تینا شاری تیکن پاکستان اٹ سفر کننگ نابارو اٹ پوسکن ءُ پرمان جاری کرینے‘ ہراٹی پاننگانے کہ پاکستان اٹ دہشت گرد آتا جلہو نا خطرہ ارے‘ صوبہ خیبرپختونخوا ٹی باجوڑ، مہمند، خیبر، اورکزئی، کرم، قطبی وزیرستان وسویلی وزیرستان نا ضلع غاتے ٹی سفر کپس۔ برطانوی حکومت ناکنڈآن پشاور تون اوار کے پی کے نا کیہی علاقہ غاتے ٹی سفر کپننگ نا پرمان کرسا پاننگانے کہ پاکستان اٹ دہشتگرد آتا جلہو نا خطرہ ارے‘پرمان نارد اٹ چارسدہ، کوہاٹ، ٹانک، بنوں، لکی، ڈیرا اسماعیل خان، سوات، بونیر و لوئر دیر نا ضلع غاتے ٹی سفر کننگپ۔ پشاور شار و ضلع مردان رنگ روڈ انا قطب آن ضلع چترال نا دنگ اسکان N45 روڈ آ سفر آن احتیاط کننگ نا پاننگانے‘ برطانوی شاریک بلوچستان نا قطبی کرک آن بیدس پین اسہ جاگہ اس ہم ہنپس۔

(آن لائن)