منی لانڈرنگ کیس،سلیمان شہباز تون اوار کل دوبہ دار آک یلہ

لاہور :  منی لانڈرنگ کیس، عدالت سلیمان شہباز تون اوار کل دوبہ دار آتے یلہ کرے‘ حوال نا رد اٹ اسپیشل کورٹ سینٹرل اٹ منی لانڈرنگ کیس اٹ بریت نا درخواست آتا سماعت مس‘ جج بخت فخر بہزاد کیس انا سماعت ءِ کرے‘ وزیراعظم نا مار سلیمان شہباز عدالت نا مون آپیش مس۔ ایف آئی اے عدالت ناکنڈآن ارفوک 27 سوج انا ورندی تے جمع کرفے۔ عدالت سوج کرے کہ منی لانڈرنگ نا انکوائری دیر کرے؟ ایف آئی اے نا وکیل پارے کہ جے آئی ٹی انکوائری کریسس‘ ڈاکٹر رضوان سروک تے ئس۔ جج سوج کرے کہ مچ آ جاست پاست اٹ کس انا بیان نا شاہد نوشتہ ءِ؟ ایف آئی اے نا پرسجوئی افسر عدالت نا سوج آ چپ کرے‘پرسجوئی افسر علی مردان عدالت اٹ پارے کہ نن ہچ ءُ انکوائری اس کتنن۔ عدالت دوارہ سوج کرے کہ ایف آئی اے نا والیم 7 اٹ شاہدی اس ارے؟ شرمند جج پارے کہ کنے سدھا سھدھا پا کہانی جوڑ کپہ‘ کل ءِ خوانانٹ‘ ای کل ایف آئی اے والا تے داسہ جیل آ راہی کیوہ‘ عدالت ریمارکس تس کہ ورندی المی ءِ چالان تون ڈوہ انا انت شاہدی ارے؟۔ امجد پرویز ایڈووکیٹ دلیل تس کہ ای مہالو اٹ پاریٹ کہ دا کیس جوڑ مفک۔ عدالت پراسکیوٹر آج سوج کرے کہ دا پا کہ دانا زور شاغنگ آ کیس جوڑ کننگا‘ پراسکیوٹر ورندی تس کہ کیس اٹ شاہدی اف۔ ہرا اکاؤنٹ ملنگا ہمو فارم نا رد اٹ سلیمان شہبازءِ دوبہ دار گوندنگا۔ جج ایف آئی اے نامسکوہی افسر آن سوج کرے کہ مگہ نے تون دا کیس انا جاست پاست کننگ ناواکداری ئس؟ایف آئی اے نا مسکوہی افسر پارے کہ منی لانڈرنگ ایکٹ انا رد اٹ انکوائری کننگا۔ عدالت ریمارکس تس کہ مگہ ادارہ اس ترسیلات نا بابت غاو کریسس‘ ہرانا ایف آئی اے است جم کروک ورندی تننگ کتو۔ اوکان گڈ عدالت فیصلہ ءِ بنفسا سلیمان شہباز شریف تون اوار کل دوبہ دار آتے یلہ کرے۔

(آن لائن)