چیئرمین
عبدالکریم فریادی
کننگ آ تکڑہ ءِ خیرات انا
میر ءِ چیئرمین کبو زکوٰة انا
……..
انتخابی نشان تے چراغ ءِ
ماضی اونا بالکل بے داغ ءِ
ارے حقدار خواجہ سوغات انا
میر ءِ چیئرمین کبو زکوٰة انا
……..
جوان چاہک حق انا تقسیم ءِ
نوش کننگ کیک ہر اسکیم ءِ
مقابلہ ءِ کیک حالات انا
میر ءِ چیئرمین کبو زکوٰة انا
……..
دا جار ایتبو تے تینا وونٹ ءِ
نما پوسکن کیک جرسی و کوٹ ءِ
دا اونا اظہار ءِ خیالات انا
میر ءِ چیئرمین کبو زکوٰة انا
……..
چوری جنوزان تے ریفنگ کیک
ہر وڑ و ڈَول اٹی پلنگ کیک
کبو قدر ءِ اونا جذبات انا
میر ءِ چیئرمین کبو زکوٰة انا
……..
فریادی ننا وعدہ پکا ءِ
واللہ کہ کس خنے ٹکا ءِ
ننے فکر ءِ بس تینا ذات انا
میر ءِ چیئرمین کبو زکوٰة انا
ہفتئی تلار
20-27 June 2020
تاک، 24
پنہ : 02