مولانا فضل الرحمان نا بلاول و آصف علی زرداری تون اوڑدہی
Get real time updates directly on you device, subscribe now.
کراچی (مانیٹرنگ ڈیسک) جمعیت علمائے اسلام نا راہشون مولانا فضل الرحمان چیئرمین پیپلز پارٹی بلاول بھٹو زرداری وآصف علی زرداری تون اوڑدہی کریر۔ یک ءُ نیم گھنٹہ اسکان برجا سلوک آ اوڑدہی ٹی اہم انگا سیاسی ویل آتیا ہیت وگپ کننگا۔ مسکوہی صدر آصف زرداری، مولانا فضل الرحمن تون اوڑدہی کن کیہی تُو آن پد کیمرہ نا مون آ بس تو کورونا آن بچنگ کن ماسک و گلوز آن بیدس فیس شیلڈ ہم خلکوسُس۔ بلاول ہاوس کراچی ٹی یک ءُ نیم گھنٹہ غان زیات برجا سلوک آ اوڑدہی ٹی بلاول بھٹو ہم اوار ئس۔ او وخت آ 18 میکو آئینی ترمیم و قومی مالیاتی کمیشن (این ایف سی) ایوارڈ آ غیر لچکدار ءُ موقف اس تینا کننگ اواری نا پاننگا۔ آصف علی زرداری پارینے کہ اُلس دشمن بجٹ و این ایف سی ایوارڈ آ ہچ ءُ سمجھوتہ اس مفک۔ مالو پاریسُٹ کہ عمران خان حکومت ءِ چلیفنگ نا اہل اف۔ اُلس نا اومیت نا خنک داسہ اپوزیشن نا جماعت نا کنڈآ ہننگ اٹی ءُ کہ اوفک اُلس ءِ سلیکٹڈ حکومت آن خلاسی ایتر۔