گوادر سی پورٹ پاکستان نا شونداری ٹی زرگزرانی گیم چینجر نا حیثیت تخک‘ چوہدری نعیم
Get real time updates directly on you device, subscribe now.
کوئٹہ: پاکستان مسلم لیگ (ن) نا بنجائی راہشون چوہدری نعیم کریم پارینے کہ گوادر سی پورٹ پاکستان نا شونداری ٹی زرگزرانی گیم چینجر نا حیثیت تخک، دا ڈٹ انا پوروی آن سویلی ایشیائی ملک آتا منڈی تسکان پاکستان نا مصنوعات آتا رسینگ آسانی اٹ مریک، گوادر پورٹ فعال مننگ و بارڈر اکنامک زون آن ملک شونداری و شونہالی نا کنڈا کاہک، و ہندی ورناتے روزگار نا وارخواہی دُو بریک۔ داڑے جاری مروک اسہ بیان اسے ٹی چوہدری نعیم کریم پارے کہ مسکوہی بنجائی حکومت گوادر سی پیک ڈٹ آتے بند کرسا پاکستانی دشمنی نا شاہدی ءِ تس و پاکستان نا متکن آ سنگت چین اتون اوار ایلو ملک آتون تعلقداری تے خراب کرے ہرانا نسخان پاکستان و داجاگہ نا الس ءِ ہرفوئی تما مسلم لیگ (ن) بنجائی حکومت ءِ سنبھالنگ آن پد نئے بیرہ گوادر پورٹ بلکن سی پیک نا ڈٹ آتیا کاریم نا رفتار ءِ ترند کرے بلکن چین اتون اوار ایلو سنگت ملک آتون تعلقداری تے ہم جوان کرینے۔
(اے پی پی)