خضدار اٹی زائر آتا بس اسے نا تمنگ آن 18بندغ زوال، 45ٹھپی، 10بندغ نا حالیت نازرک

کوئٹہ (اے پی پی) بلوچستان نا علاقہ خضدارکرخ بھلونک نا ہند آ زائر آتا بس اسے نا تمنگ آن 18بندغ زوال و 45آن زیات ٹھپی مسنو۔ زوال کروک و ٹھپی مروک آتے ٹی زالبول و چناہم اوار ارے، 10ٹھپی تا حالیت نازرک مننگ نا سوب آن اوفتے سی ایم ایچ آ گدریفنگانے۔ غٹ بندغ آک سندھ آن عرس اٹ بشخ ہلنگ کن وڈھ آ بسوسر و عرس آن پد پدی ہنارہ۔ لیویز حوالی نا رداٹ شکست اٹی آصف، نظام الدین، اسدعلی، حافظ ہاشم، علی مراد، عاطف علی، نثار، جاوید علی، زین العابدین، عاشق علی، سہیل، جنید احمد، احسان علی، امان اللہ و عبدالمجید اوار وخت اس کہ اسہ زوال کروک اسے نا درستی راستی مننگ کتو، وخت اس کہ شکست اٹی ٹھپی مروک آتے ٹی محمد خان، بلال احمد، کامران، کلیم اللہ، اسد، حافظ بلال، محمدامین، حافظ قربان، عرض محمد، حافظ محمدکامل، شفیق احمد، نثاراحمد، عبدالقادر، مختاراحمد، محمد سومار، رفیق احمد، حامدعلی، عبدالغفار، نثاراحمد، گہورخان، منیراحمد، نوراللہ، غلام مصطفی، حافظ غلام مرتضیٰ، نورالدین، نورنبی، عرفان،محمد زمان، یاسین، اللہ بچایا، اویس، محمدیاسین، غلام، سجاد، رحمت اللہ، اللہ بچایا، دین محمد، محمدیعقوب، حاجی دین محمد، ابرار وخت اس کہ اسٹ اسے نا درستی مننگ کتو اوار ءُ۔ ڈپٹی کمشنر خضدار میجر(ر) بشیر احمد نا رداٹ شکست خضدار آن کم و ود 40کلومیٹر مرتحصیل کرخ اٹی خضدار توڈیرو شاہراہ غابھلونک نا ہند آ پیش بس، ہراڑے اسہ بس اس ترند رفتاری نا سوب آن موڑ ہلسا ڈیورآن بے قابو مرساتما۔ ڈپٹی کمشنر خضدار پارے کہ بس زائر آتیان کچھاکچھ پُر ئس و اونا چھت آک ہم مخلوق آک تولوک ئسر اوشکست اٹی 18مرک ءِ پک کرساپارے کہ زوال کروک آتا لاش و 45ٹھپی مروک آتے خضدار ٹیچنگ ہسپتال و کمبائنڈ ملٹری ہسپتال آ گدریفنگا۔ ہراڑے 10ٹھپی مروک آتا حالیت نازرک پاننگ انگ ءِ۔ شکست نا گواچی مروک آتے ٹی چناہم اوار ارے۔ ڈسٹرکٹ ہیلتھ آفیسر خضدار ڈاکٹر سومربلوچ نا رداٹ 17ٹھپی ءِ کاٹم و جون نا ایلو بشخ آتے ٹی بھاز ٹھپ لگانے ہرافتے سی ایم ایچ آ گدریفنگانے۔ ڈپٹی کمشنر بشیر احمد بڑیچ پارے کہ زوال و ٹھپی بندغ آتا تعلق دادو تون اوار سندھ انا چندی علاقہ غاتیان ءِ ہراخضدار نا علاقہ وڈھ کاکاہیراٹ پیر عبدالقادر نقشبندی نا سالانہ عرس اٹ بشخ ہلنگ آن پد پدی ہنارہ۔