نوواک جوکووچ ءِ یو ایس اوپن آن ڈس کوالیفائی کننگا

لاہور (مانیٹرنگ ڈیسک) ٹینس نا پنی آ اسٹار نوواک جوکووچ ءِ غصہ ٹی ردعمل تننگ کبین تما۔ منتظم آک جوکووچ ءِ یو ایس اوپن آن ڈس کوالیفائی کریر۔ مسہ وار یوایس اوپن ٹائٹل ءِ کٹوک آ جہانی نمبرون ءِ ہمو وخت آ خفت تون مون تروئی تما ہراتم چارمیکو راؤنڈ نا میچ اٹ او پابلو اولیکو گیم آن پد کیرونو دستا نا برخلاف مون آ بسو۔ پابلو کیرونو بوستا نا برخلاف اولیکو گیم ءِ با تننگ آ جوکوچ غصہ ٹی بال ءِ ہٹ کریر ہرا لائن چیک نا زمواری تے پورو کروک آ نیاڑی ریفری ءِ لگا۔ ردی تا  زو اس احساس مننگ آ جوکووچ لائن ریفری نا ماس آ ہنا و اونا حال چال ءِ ہرفسا افسوز نا ہم درشانی ءِ کرے۔ ولے اوفتا برخلاف زو اس ایکشن نا وڑ اٹ ڈس کوالیفائی کننگا۔