آئی سی سی ٹی 20 نا پُوسکن آ رینکنگ جاری‘ بابر اعظم ٹاپ پوزیشن آن پدی مس

لاہور (مانیٹرنگ ڈیسک) آئی سی سی ٹی ٹونٹی نا تازہ انگا رینکنگ ءِ جاری کرے۔ انگلینڈ نا ڈیوڈ میلان نمبر ون بیٹسمین مس۔ بابر اعظم ءِ دو نیم سال آن پد ٹاپ پوزیشن آن پدی مروئی تما۔ انگلینڈ و آسٹریلیا نا نیام اٹ مسہ میچ آتا سیریز آن پد ٹی ٹونٹی نا جہانی رینکنگ ءِ جاری کننگا۔ رینکنگ نا رداٹ انگلش بیٹسمین ڈیوڈ میلان آسٹریلیا نا برخلاف جوان کارکڑد نا رداٹ 4 گام مونی ہنسا اولیکو پوزیشن آ کوزہ کرے۔ ایلو ٹاپ10 بیٹسمین تیٹی پدریسہ ایرون فنچ، لوکیش راہول، کولن منرو، گلین میکسویل، حضرت زازئی، ایون لیوس، ویرات کوہلی و ایون مورگن اوار ءُُ۔ ایلو کنڈآ بولر تیٹی اسہ گام اس پدی اننگ تون اوار عماد وسیم ہشتمیکو و شاداب خان نومیکو نمبر آ بسنو۔ ٹاپ 10 بولر تیٹی پدریسہ راشد خان، مجیب الرحمن، ایشٹن اگار، تبریز شمسی، ایڈم زمپا،مچل سینٹنر، ہارون رشید، عماد وسیم شاداب خان و کین رچرڈز اوار ءُُ۔