سہ فریقی کمکاری نا کمک اٹ علاقائی سوگوی کن تیار اُن، چینی وزارت خارجہ

اسلام آباد: چین نا وزارت خارجہ نا ترجمان وانگ وین بین پارینے کہ چین۔ اوغانستان۔پاکستان سہ فریقی کمکاری نا کمک اٹ علاقائی سوگوی ءِ برقرار تخنگ کن تیار ءُ۔ سے شنبے نادے آ پریس حوال اٹی پنچ می چین۔اوغان۔پاکستان سہ فریقی وزراء خارجہ مذاکرات نا بارواٹی اوپارے کہ ہر مسٹ آ وزیر خارجہ غاک گچین ہمسائیگی و تین پہ تینی ہمسائیگی و تین پہ تینی پت، سیکورٹی کمکاری و انسداد دہشت گردی، رابطہ، واپار و زرکاری کون آ ویل آتیا جوان سرجمی اٹ گپ وتران کریر و امنائی سلاہ غا رسینگار۔ ہرمسٹ آملک آک پنچ می چین۔ اوغان۔ پاکستان وزراء خارجہ مذاکرات نا بارواٹی اسہ اسیجائی بیان اس ہم جاری کریر۔ ہراٹی تین پہ تینی شرف، سلابت و تین پہ تینی فائدہ نا اصول آتیا تالان سیاست، شونداری وسلامتی نا مسہ بھلا بشخ آتیٹی کمکاری ءِ پین ودفنگ نا عزم کننگا۔ ترجمان پارے کہ چین، سہ فریقی کمکاری چینل نا کمک اٹ ہر مسٹ آ ملک آتا سٹریٹجک رابطہ و پالیسی کوآرڈی نیششن ءِ سوگو کننگ، بطور ہمسایہ تین پہ تینی سنگتی و سٹریٹجک پت ءِ ودفنگ، انسداد دہشت گردی سیکورٹی کمکاری ءِ سوگو کننگ و ہرمسٹ آ ملک آتا نیام اٹ فائدہ غاتا رشتہ ءِ پین سوگو کننگ کن تیار ءُ تانکہ علاقائی سوگوی و شونہالی ءِ مون آ دننگ مرے۔

(اے پی پی)