سوشل ویلفیئر ڈیپارٹمنٹ نا کردار ستا کڑزک، شاہنواز کنرانی

کوئٹہ:  ریجنل محتسب اعلی شاہنواز خان کنرانی پارینے کہ سوشل ویلفیئر ڈیپارٹمنٹ اُلسی خدمت اٹ ہرا کڑد ءِ ادا کننگ اٹی ءِ او ستا کڑزک۔ جتا جتا ہفت بھلو ناجوڑی کن اُلس ءِ بھلو پیسہ اس فراوان کرسا اوفتا ویل آتیٹی کمتی اتنگ انگ ءِ۔ انت اس کہ کنے پاننگانے او وخت اسکان نصیرآباد ڈویژن اٹ انڈومنٹ فنڈ نا رداٹ 58 کروڑ روپئی نا پیسہ اُلس نا مرض آتیا خرچ کننگانے۔ دا جوان ءُ گام گیج اسے۔ سوشل ویلفیئر ڈیپارٹمنٹ نا ریگولر بجٹ آن 90 درسد کاٹ کننگ آن ویل آک ودی مننگ اٹی ءُ۔ ہرافتا پوروی وخت انا گرج ءِ۔ صوبائی سیکرٹری سوشل ویلفیئر ڈیپارٹمنٹ دا ویل انا شیفکو کہول اسکان انکوائری کرفے تانکہ بجٹ نا بابت اٹ ڈویڑنل سوشل ویلفیئر افس تے ویل آتیان خلاسی رسینگے۔ دا خیال آتا درشانی ءِ او ڈویڑنل ڈائریکٹر سوشل ویلفیئر محمد سلیم کھوسہ تون ہیت وگپ کرسا کرے۔ او وخت آ محمد سلیم کھوسہ ریجنل محتسب اعلی نصیرآباد ڈویڑن شاہنواز خان کنرانی ءِ سوشل ویلفیئر ڈیپارٹمنٹ نا کارکڑد ءِ پاش کرسا پارینے کہ انڈومنٹ فنڈ آتا کمک اٹ مچ آ بلوچستان اٹ ہفت جان ہلوک ءُ ناجوڑی آن بچنگ کن 7 ارب روپئی نا پیسہ اُلس نا درمان آ خرچ کننگانے۔

(خ ن)