ریونیو ڈویژن نا 12 برجا، 4 پوسکن آ ڈٹ آتیکن 3200 ملین روپئی جتا
برجا ڈٹ آتیٹی ریجنل ٹیکس آفس ایبٹ آباد اٹی ایڈیشنل آفس بلاک نا جوڑ کننگ ن 84.65 ملین روپئی تخنگانے
اسلام آباد : حکومت پوسکن آ مالی سال 2023-24اٹی سالانہ شونداری پروگرام (پی ایس ڈی پی) نا رداٹ ریونیو ڈویژن 12 برجا و 4 پوسکن آ ڈٹ آتیکن جم وڑاٹ 3200 ملین روپئی نا فنڈ جتا کننگ نا سلاہ تسنے ہراٹی 300 ملین روپئی نا درملکی امداد ہم اوار ءِ۔ پی ایس ڈی پی دستاویز آتا رداٹ برجا ڈٹ آتیٹی ریجنل ٹیکس آفس ایبٹ آباد اٹی ایڈیشنل آفس بلاک نا جوڑ کننگ ن 84.65 ملین روپئی، آرٹی و ساہیوال اٹی ودکی بلاک نا جوڑ کننگ کن 282 ملین روپئی، کسٹمز کمپلیکس سوست آفس نا ڈٹ آتیکن 250 ملین روپئی، ماڈل کسٹمز کلکٹوریٹ گوادر نا جوڑ کننگ کن 212.24 ملین روپئی، انٹیلی جنس اینڈ انویسٹی گیشن آفس کراچی نا تفنگ کن 125 ملین روپئی، ریجنل ٹیکس آفس اسلام آباد نا جوڑ کننگ کن 124.63 ملین روپئی، ریجنل ٹیکس آفس سرگودھا نا جوڑ کننگ کن 300 ملین روپئی، ایشیائی شونداری بینک انا کمک اٹ اینٹگریٹڈ ٹرانزٹ ٹریڈ مینجمنٹ سسٹم کن 415.62 ملین روپئی، بلوچستان اٹی چندی کسٹم چیک پوسٹ آتا جوڑ کننگ کن 432.71 ملین روپئی، غلام خان اٹی دفتر و ٹرانزٹ اکاموڈیشن نا ڈٹ اکن 50 ملین روپئی، پاکستان ریزیز ریونیوپروگرام کن 200 ملین روپئی وراماک ڈی آئی خان اٹی کسٹمز ہاؤس چیک پوسٹ نا جوڑ کننگ نا ڈٹ اکن 42.12ملین روپئی نا فنڈ جتا کننگ نا سلاہ تننگانے۔ بجٹ دستاویز آتا رداٹ ریونیو ڈویژن نا 4 پوسکن آ ڈٹ آتیکن جم وڑاٹ 680.52 ملین روپئی نا فنڈ جتا کننگ نا سلاہ تننگا، پوسکن آ ڈٹ آتیٹی گوادراٹی زونل آفس اینڈ ٹرانزٹ اکاموڈیشن نا ڈٹ اکن 50 ملین روپئی، طورخم کسٹمز سٹیشن اٹ ٹرانزٹ اکاموڈیشن نا ڈٹ اکن 77.22 ملین روپئی، ریجنل ٹیکس آفس کن ڈغار نا ہلنگ نا ڈٹ اکن 140.27 ملین روپئی و گجرات اٹی ریجنل ٹیکس آفس کن ڈغار نا ہلنگ نا ڈٹ اکن 413.032 ملین روپئی نا فنڈ جتا کننگ نا سلاہ تننگانے۔
(اے پی پی)