وزارت قومی جان جوڑینا ڈٹ آتیکن 13 ارب 10 کروڑ روپئی جتا

اسلام آباد : بروک آ مالی سال 2023-24کن سرکاری بشخ انا شونداری پروگرام اٹی وزارت قومی جان جوڑی، سروسز، ریگولیشن و کوآرڈی نیشن نا 9 پوسکن و 31 برجاڈٹ آتیکن 13 ارب 10 کروڑ روپئی جتا کننگانے۔ جمعہ نادے آ جاری کروک آ سرکاری بشخ انا شونداری پروگرام (پی ایس ڈی پی) نا رداٹ پوسکن آ ڈٹ آتیکن 2 ارب 59 کروڑ 66 لکھ روپئی آن زیات نا فنڈ جتا کننگانے۔ اوفتے ٹی اسلام آباد اٹی بوکران اہند آ طبی ہند انا جوڑ کننگ کن 20 کروڑ روپئی، لیبارٹری نا جوڑ کننگ کن 30 کروڑ روپئی جتا کننگانے۔ بنجائی دارالحکومت اٹی یونیورسل ہیلتھ کوریج ءِ پک کننگ نا نیشنل ہیلتھ سپورٹ ڈٹ اکن 25 کروڑ روپئی جتا کننگانے۔ گمبٹ سندھ اٹی بیالوجیکل و کینسر ریسرچ و ٹریٹمنٹ 50 کروڑ روپئی، ہیپاٹائٹس سی انا چٹفنگ نا وزیراعظم قومی پروگرام کن 50 کروڑ روپئی و اسلام آباد اٹی کینسر ہسپتال نا جوڑ کننگ کن ازباب آتا ہلنگ کن 10 کروڑ روپئی جتا کننگانے۔ وزیراعظم نا قومی پروگرام روک تھام زیابطیس کن 50 کروڑ روپئی جتا کننگانے۔ وزارت نا 31 برجا ڈٹ آتیکن 10 ارب 50 کروڑ 33 لکھ روپئی آن زیات جتا کننگانے۔ اسلام آباد اٹی کینسر ہسپتال نا جوڑ کننگ کن اسہ ارب روپئی، خلقی علاقہ غاتیٹی جان جوڑی نا آسراتی نا سوگوی و اپ گریڈیشن کن 35 کروڑ 69 لکھ، پمز اٹی نیورو سرجری نا بشخ انا اپ گریڈیشن کن 30 کروڑ روپئی، ہیلتھ سروسز اکیڈمی نا گچینی کن 14 کروڑ 58 لکھ روپئی جتا کننگانے۔ پمز اٹی 200 کٹ آتا شعبہ حادثات و ایمرجنسی مرکز نا جوڑ کننگ کن اسہ ارب 20 کروڑ روپئی، جی الیون تھری ٹی جناح ہاسپیٹل اسلام آباد کن جوڑ کننگ کن 2 ارب 20کروڑ روپئی وخت اس کہ وزیراعظم نا قومی ہیلتھ انشورنس پروگرام نا ارٹ میکو ریسہ ٹی جان جوڑی آسراتی پروگرام کن 2 ارب 29 کروڑ آن زیات نا زر جتا کننگانے۔

(اے پی پی)