نصیرآباد‘خولم ہلنگ گڈیکو ریسہ ٹی ءِ‘اسداللہ سمالانی

ڈیرہ مراد جمالی: اسسٹنٹ کمشنر ڈیرہ مراد جمالی اسداللہ سمالانی پارینے کہ حکومت بلوچستان نا کنڈآن نصیرآباد آن خولم ہلنگ نا کاریم گڈیکو کاریم تیٹی پترینگانے ملز اونرز و بروکرز 30 ہزار خولم نا گونی سرکار ءِ بہا کرسا سرکاری کوٹہ ءِ پورو کننگ اٹ تینا کڑد ءِ ادا کیر مالو ہم کشت وکشار و ملز اونر خولم ہلنگ نا بابت اٹ حکومت تون تینا کمک ءِ پک کرینے داسہ ہم اومیت کینہ کہ ایلو ماندہ ٹارگٹ ءِ پورو کننگ کن تینا کمک ءِ پک کننگک۔ نن خواپنہ کہ سختی کننگے۔ دا خیال آتا درشانی ءِ او ڈپٹی کمشنر نصیرآباد عائشہ زہری نا پارت آتیا خولم ہلنگ نا بابت اٹ ملز اونر بروکر و افسر تا اڈ ہلوک دیوان آن تران کرسا کرے۔ دیوان اٹ پروجیکٹ ڈائریکٹر فوڈ جانان خان جعفر ڈپٹی پروجیکٹ ڈائریکٹر فوڈ شبیر احمد سیال عبیداللہ پندرانی ملز اونرز میرامجدخان عمرانی سیٹھ ہپل داس سیٹھ بیشم لعل سیٹھ دیوی داس جمعہ خان ابڑو محمد شریف لہڑی بروکرز سریش و شام لعل تون اوار ایلوفک دیوان اٹ بشخ ہلکر۔ دیوان نا وخت آ پروجیکٹ ڈائریکٹر فوڈ جانان خان جعفر پارینے کہ نم کل ملز اونر آک اسہ ایلو تون سلاہ کبو انتئے کہ محکمہ کن خور ضلع نصیرآباد آن 30 ہزار خولم نا گونی ہلیک۔ اینخو نصیرآباد ڈویژن آن ہفت لکھ خولم نا گونی ہلنگ انگ ءِ۔ وخت اس کہ ارا لکھ گونی صوبہ پنجاب و اسہ لکھ گونی پاسکو آن ہلنگک۔

(خ ن)