صوبائی حکومت نا نابودی نا سوب آن صوبہ ءِ کورونا پورو پلویڑ کرینے‘میر رﺅف مینگل
Get real time updates directly on you device, subscribe now.
خضدار (آن لائن) بی این پی نا بنجائی راہشون و قومی اسمبلی نا مسکوہی باسک میرعبدالرﺅف مینگل پارینے کہ ساڑی صوبائی حکومت نا نابودی نا سوب آن صوبہ ءِ دَینی ناجوڑی کورونا پورو پلویڑ کرینے‘ محکمہ جانجوڑی نا ڈاکٹر و طبی کارندہ غاتے غٹ آسراتی فراوان کننگ نا جاگہ غا اوفتے جیل کننگ انگ ءِ‘ ہراتم ڈاکٹر وطبی کارندہ غاک تینٹ حالیت آتون مون تننگ ءُ تو او کورونا نا مون ءِ امر توننگ کیرہ‘ او محکمہ جانجوڑی نا ڈاکٹر و غٹ طبی کارندہ غاتا ستاءِ کرسا پارے کہ صوبائی حکومت نا نابودی آن پد ہم ڈاکٹر وطبی کارندہ غاک تینا جان ءِ دلدست آ تخسا تینا بندغ آتا درمان ءِ کننگ اٹی ءُ و سہی وڑ اٹ مسیحا ناکڑد ءِ ادا کننگ اٹی ءُ۔ او بلوچستان خاص وڑ اٹ خضدار نال وڈھ زہری نا ہندوپنچاہت‘ سخی تا منت ءِ ہرفے کہ او تینا غریب بندغ‘ مزور کار آتون کمک کننگ ءُ۔