کورونا نا بابت کساس آن کم زوال مون آ بسر، ڈاکٹر ظفر مرزا
Get real time updates directly on you device, subscribe now.
اسلام آباد (اے پی پی) وزیراعظم نا خصوصی قومی جان جوڑی کمکار ڈاکٹر ظفرمرزا پارینے کہ بنجائی حکومت ملک آن کوروناوائرس نا دین انا توننگ کن ہروڑ انا کوشست کننگ ءِ ، کوروناوائرس نا بابت ہراکساس ءِ خلنگاسس، اونا حساب آن کم کیس رپورٹ مسنے۔ داخیال آتا درشانی ءِ او سپریم کورٹ نا پیشن میڈیا تون گپ وتران کرسا کرے۔ خصوصی کمکار پارے کہ حکومت کوروناوائرس نا توننگ کن ہروڑ انا کوشست کننگ ءِ۔ اوپارے کہ کوروناکیس آتا بابت ہرا کساس ءِ خلنگاسس، مچ آملک اٹی داڑان کم کیس رپورٹ مسنے، کوروناوائرس نا دین آن زوال آک ہم کساس آتیان کم مسنو، داوخت آ عدالت نا دنگ اٹ پترینگ انگ آ خصوصی کمکار ظفرمرزا نا ٹیمپریچر ءِ چیک کریر ہرا 97درجہ فارن ہائیٹ ئس۔ خصوصی کمکار عدالت عظمیٰ ٹی کوروناوائرس آن رکھنگ کن بنجائی حکومت ناکنڈآن کروک گام گیج آتیا حوال تننگ کن پیش مس۔ سپریم کورٹ کوروناوائرس تون مون تننگ کن حکومتی گام گیج آتیا بریفنگ بٹنگاسس۔