چینی زونرجی کمپنی لمیٹڈ نا کوروناریلیف فنڈ اکن پاکستان ءِ 50لکھ روپئی تننگ نا پڑو
Get real time updates directly on you device, subscribe now.
اسلام آباد (اے پی پی) وزیراعظم عمران خان تون چین انا زونرجی کمپنی لمیٹڈ نا صدر رچرڈ جے گوو، نائب صدر کیون چیوو چائنہ مشینری انجینئرنگ کارپوریشن نا جنرل منیجر لی کان اوڑدہی کریر و وزیراعظم نا کوروناریلیف فنڈ اکن 50لکھ روپئی نا عطیہ پیش کریر۔ اوفک نیشنل ڈیزاسٹرمینجمنٹ اتھارٹی ءِ 30لکھ روپئی نا مالیت نا طبی گڑاہم عطیہ کریر ہرافتے ٹی 30ہزار ماسک ، سد این 95ماسک و 300رکھی سوٹس اوار ءُ این ڈی ایم اے نا چیئرمین لیفٹیننٹ جنرل محمد افضل ہم داوخت آ ساڑی ئس۔ چائنہ مشینری انجینیئرنگ کارپوریشن نا جنرل منیجر لی کان وزیراعظم ءِ چین اٹی کرپاس نا پیداوار ءِ ودفنگ کن پوسکن و چاگڑد دوست ٹیکنالوجی نا کاریم اٹ اتنگ نا بارواٹ معلومدار کرے و پاکستان ءِ ہم کرپاس نا پیدوار اٹی ودکی کن ٹیکنالوجی نا رد اٹ کمک فراوان کننگ نا سلہ خلک۔ داوخت آ زونرجی نا صدر پاکستان نا قابل تجدید توانائی نا بشخ خاص کر سولر پینل آتا تیاری نا ڈٹ آتے ٹی زرکاری کننگ اٹ است خواہی نا درشانی ءِ کریر۔ وزیراعظم عمران خان چینی کمپنی تا کنڈآن پاکستان اٹ زرکاری تیٹی است خواہی نا ستاءِ کرے۔