حکومت زمی جمب زہمی تا کمک و بحالی کن ہلہلہ ئی بنداو آ کاریم کننگ ءِ، جام کمال

0

Get real time updates directly on you device, subscribe now.

کوئٹہ: وزیراعلیٰ بلوچستان جام کمال پارینے کہ صوبائی حکومت ہرنائی ٹی ہلہلہ ئی بنداو آ کمک و زہمی تا بحالی کن گام گیج کننگ اٹی ءِ۔ پاک فوج، فرنٹیر کور، ڈیزاسٹر مینجمنٹ اتھارٹی، محکمہ روڈ، جانوجڑی ضلع انتظامیہ و ایلو ادارہ غاک زہمی علاقہ غاتیٹی کمکاری کاریم تیٹی لگوک ءُ۔ زمی جمب انا زہمی تے تنیا الیپنہ۔ ڈیزاسٹر مینجمنٹ اتھارٹی، پی پی ایچ آئی، ضلعی انتظامیہ و ایلو کمکار ادارہ غاتے زہمی علاقہ غاتیٹی الرٹ کننگانے۔ او پارے کہ آزمائشت و سختی نا دا ساہت اٹی زمی جمب نا زہمی تتون سلوک اُن۔ ہرنائی ٹی ہلہلہ ئی بنداو آ کمکاری و زہمی تا بحالی نا کاریم ترندی اٹ برجا ءِ۔ ٹھپی تے پاک فوج نا ہیلی کاپٹر آتیٹی کوئٹہ غا سر کننگانے۔ او پارے کہ چیف منسٹر سیل، چیف سیکرٹری آفس، پی ڈی ایم اے، و کمانڈ اینڈ کنٹرول سینٹر کمکی سرجز آتا چاروکی ءِ کننگ اٹی ءُ۔ وزیراعلیٰ زمی جمب آن مروک ٹھپی تا گچین طبی کمک نا پارت کرسا زمی جبم نا سوب آن نہادی انسانی جان تا زیان آ است ہسونی درشان کرینے، داکان بیدس وزیر اعلیٰ بلوچستان جام کمال خان ہرنائی نا دورہ ءِ کرے، اوڑے او زمی جمب آن پد کمکی کاریم تا جاچ ءِ ہلک۔ وزیراعلیٰ ءِ ضلعی انتظامیہ و پی ڈی ایم اے ناکمامدار آک کمکی کاروائی تا بابت معلومدار کریر۔ دا وخت آ وزیر اعلیٰ کمکی کاریم تے پین ترند کننگ نا پارت کرے۔ وزیراعلیٰ ڈسٹرکٹ ہیڈ کوارٹر ہیسپتال ہرنائی نا ہم دورہ ءِ کرے، و ہسپتال اٹی انتظام آتا جاچ ءِ ہلک۔ وزیراعلیٰ کمکی کاریم تیا است جمی نا درشانی ءِ کرسا دا بابت ریسکیو ٹیم تا ستا ءِ کرے۔ اوکان پد وزیراعلیٰ بلوچستان جام کمال خان صوبائی وزیر تتون اوار زمی جمب اٹی اسہ خاہوت نا مسہ بندغ نا زوال مروک آتا تینائی تا اُرا غا ہنا، اوڑے او ڈکھیا خاہوت تون ہڑزخواہی کرے۔ و ایماندار تے کن دعا پاتیا کرے۔ صوبائیو زیر حاجی مٹھاخان کاکڑ، انجئینرزمرک خان اچکزئی و حاجی محمد خان طور اتمانخیل وزیراعلیٰ تون اوار ئسرہ۔

(خ ن)

Get real time updates directly on you device, subscribe now.

Leave A Reply

Your email address will not be published.