قوی خان نا کزیت آن پاکستان لیجنڈ اسے آن محروم مس، وزیراعظمقوی خان نا کزیت آن پاکستان لیجنڈ اسے آن محروم مس، وزیراعظم
اسلام آباد : وزیراعظم محمد شہباز شریف پاکستان ٹیلی ویژن، فلم، ریڈیو و اسٹیج نا پنی آاداکار قوی خان نا کزیت آ است ہسونی نا درشانی ءِ کرینے۔ دوشنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم شہباز شریف ایماندار نا درجہ غاتا بڑزی کن دعا و اونا خاہوت تون ہڑزخواہی کرینے۔ وزیراعظم پارے کہ قوی خان نا کزیت آن پاکستان اسہ لیجنڈ اداکار اسے آن محروم مس، قوی خان اسہ اکیڈمی نا حیثیت اس تخاکہ، اوڑان بار ءُ اداکار صدی تیٹی ودی مریک، قوی خان ریڈیو پاکستان پشاور آن چائلڈ سٹار نا وڑاٹ کاریم نا بناءِ کرے ہرااونا فطری ٹیلنٹ نا شاہدی ءِ۔ اوپارے کہ قومی خان ورسٹائل اداکار اس ئسک ہرا ہروڑنا کڑد ءِ جوانی اٹ ادا کرے و اونا اداکاری حقیقت اٹ خڑک تر و قدرتی ئسک۔ او پاکستان ٹیلی ویژن نا ہمو بنائی اداکار آتیان ئسک ہرافک پاکستانی ٹیلی ویژن راگ تا بنداو ءِ تخنگ اٹ اہم ءُ کڑ د اس ادا کریر۔ ”لاکھوں میں تین“ و اندھیرا اجالا“ ٹی اونا اداکاری الس نا ذہن تیٹی اینو ہم زندہ ءُ۔ وزیراعظم پارے کہ تمغہ حسن کارکردگی و ستارہ امتیاز نا اعزاز آک قوی خان نا فنکارانہلائخی تا ریاستی کہول آ امنائی ءُ۔ پاکستانی ٹی وی و فلم نا ہروک آک اونا کمتی ءِ مدام محسوس کرسا کیرہ۔ وزیراعظم دعا کرے کہ اللہ تعالیٰ ایماندار ءِ جنت الفردوس اتی بڑزکو ہند اس عطاکے۔
(اے پی پی)