لس گچین کاری تے پوسکن آ مردم شماری نا ردا ٹ کننگ نا فیصلہ

اسلام آباد:  بنجائی حوالکاری وزیر فواد چوہدری پارینے کہ کابینہ ٹی چیئرمین نیب انا بابت آرڈیننس نا بارو اٹ ہیت متنے، شہبازشریف نا جند دوبہ دار اسے، نیب چیئرمین نا تعیناتی کن شہباز شریف تون سلاہ کپنہ۔ بنجائی کابینہ پوسکن آ مردم شماری نا منظوری ءِ تسنے، داڑکن پوسکن آ ٹیکنالوجی ءِ کاریم اٹ اتنگک، ہراٹی ٹیبلٹ ءِ ہم کاریم اٹ اتنگک۔ نادرا و ایلو ادارہ غاتیان کمک ہلنگک۔ مردم شماری نا پورو مننگ آن پد پوسکن آ حلقہ بندی تے کن الیکشن کمیشن ءِ ہم پاننگک۔ پینڈورا پیپرز اٹی 700 آن زیات پاکستانی تا پن اوار ءِ، پینڈورا ٹی مسہ چار کیٹی گری اوار ءُ، ہرافتیان اسٹ آف شور کمپنی، ایلو پاش کپروک آف شور کمپنی و مسٹمیکو آف شور کمپنی جوڑ کرسا منی لانڈرنگ کننگ ءِ، پاکستان نا ڈاکٹر آتے مچ آ دنیا ٹی شرف تننگک، ولے منٹ اس ننا ڈگری آن نمن مریرہ۔ داسہ پوسکن آ ایم ڈی کیٹ نا فارمولا ءِ دنیا نا آب انا رد اٹ جوڑ کننگانے، بنجائی کابینہ عید میلاد النبی آ بندی تا سزا تیٹی کمتی کننگ نا فیصلہ کرینے۔ کابینہ دیوان آن پد میڈیا ءِ بریفنگ ترسا بنجائی حوالکاری وزیر فواد چوہدری پارے کہ کابینہ پوسکن آ مردم شماری نا منظوری ءِ تسنے، مردم شماری اِرا وڑ اٹ مریک۔ اِرا ہزار ہژدہ نا گچین کاریک وختی ءُ مردم شماری ئسرہ، مردم شماری نا وڑ آ سرجم شرہ مسنے۔ فواد چوہدری پارے کہ ڈاکٹر فیصل سلطان ایم ڈی کیٹ آ بریفنگ تسنے، ہراٹی پاننگانے کہ ڈاکٹر آتا برانز ہم برجا ءِ۔ ڈاکٹر آتا پروفیشن ہندن ءِ کہ داٹی رسک ہلنگ مفک۔ ڈاکٹر ہمو مرے ہرادے سما مرے کہ پی ایم ڈی سی اوفتا جند انا پاننگ آ جوڑ کننگاسس، پرائیویٹ کالج آک ریگولیٹر ءِ تینا دوٹی ہلکر، داڑان حالیت خراب مس۔ و منہ ملک اسے ٹی ننا ڈگری تے منپسہ ہم۔ ایم ڈی کیٹ مچ آ دنیا ٹی ہندا وڑ چلینگ انگ ءِ۔ ملک انا بڑزکو کہولی مزغ آک مچ کرسا ٹیسٹ ہلیرہ، دا امتحان سد درسد ٹیبلٹ آ مننگ ءِ، ہندن ءُ سافٹ ویئر اس اتنگک، ہراٹی کس اسے سما تمپک کہ انت امتحان بریک۔ اِرا لکھ چنا دا امتحان اٹ بشخ ہلیرہ، کل سیٹ آک بیست ہزار ءُ، ننا کِر آ مقابلہ ودانے، دا لائسنسنگ نا امتحان اسے۔ فواد چوہدری پارے کہ ایم بی بی ایس ڈگری آن پد ٹسٹ مریک، ہرا پک کیک کہ نی ڈاکٹری نا بود تخسہ یا آخا۔ مون نا سال ہشتاد و پنچ درسد طالب علم پاس مسر، داڑے ہندن ءُ رواج اس جوڑ مسنے کہ اصلاحات نا پن مس بس برانز بنا کیک۔ دا رد اٹ ہچ ءُ رسک اس ہلنگ کپنہ۔ میڈیکل ایجوکیشن نا آب اہم ءِ، ننا ڈاکٹر آک جہانی آب آن ہچ گہس کم مننگ کپسہ۔

(آن لائن)