آئین نا ہیت کننگ بغاوت ءِ تو ہڑدے کرسا کانہ، شاہد خاقان عباسی

اسلام آباد(آن لائن) مسلم لیگ ن نا راہشون شاہد خاقان عباسی پارینے کہ اگہ آئین نا ہیت کننگ بغاوت ءِ تو دا بغاوت ہڑدے مریک۔ ملکی سیاسی تاریخ اٹ اسہ پین مون ءُ لپ اسے نا ودکی مسنے، اینو تہجد نا وخت آ ننا برخلاف بغاوت نا مقدمہ درج کننگا۔ تدوک آ دور اٹ ہمو حکمران مسنے او اینو غدار مس۔ سیاسی مقابلہ کروئی ءِ تو سیاسی پِڑ آ ببو، ویل داسکان کن بنا متنے کہ بغاوت بغاوت پاننگ بنا مس۔ ہمت ارے تو ہتھکڑی خلبو ولے دا ہیت آک چلینگ کننگ کپسہ۔ ہراتم ہچ اس سلپ تو ولدا بغاوت نا دوبہ ءِ خلیرہ۔ عثمان بزدارمعصوم ءُ آدمی اسے او دا ویل اٹ تمپ دن مف کہ نے نسخان اس مرے۔ دا خیال آتا درشانی ءِ شاہد خاقان عباسی پارٹی راہشون احسن اقبال و مریم اورنگزیب تون اوار پریس کانفرنس کرسا کرے۔