نجی بشخ ءِ  قدرتی وسیلہ غاتا کنڈ آ چکنگ کن سجفوئی تمک‘جام کمال

کوئٹہ(آن لائن) وزیراعلی بلوچستان جام کمال خان پارینے کہ بلوچستان نا اثاثہ دا جاگہ نا اراضی، محل وقوع و قدرتی آ وسیلہ غاک ءُ، ہرافتا شونداری نجی شعبہ تون اوار شریکی ٹی ممکن ءِ، نجی شعبہ ءِ بلوچستان نا کنڈآن اتنگ کن زیات جوان،  قابل عمل و جامع حکمت عملی نا تیاری نا گرج ءِ، دا خیال آتا درشانی ءِ او پبلک پرائیویٹ پارٹنر شپ ترامیمی بل 2020 نا بابت تروک آ بریفنگ اٹی کرے، ایڈیشنل چیف سیکرٹری ڈٹ بندی وشونداری،  سیکرٹری زرگزران، سیکریٹری حوالکاری ہم دیوان اٹ اوار ئسر، وخت اس کہ محکمہ ڈٹ بندی و شونداری نا سٹریٹیجک پلان و ریفارمز سیل نا کنڈآن دیوان ءِ بل اٹ مجوزہ ترامیم نا بابت بریفنگ تننگا، وزیراعلی پارت کرے کہ پبلک پرائیویٹ پارٹنر شب بل اٹ ہندن ءُ ترامیم اس اوار کننگے ہراڑان ہچ ءُ وڑ اسے نا کانودی ابہام اس ودی مف، او ترامیم نا بابت اٹ ایلو صوبہ و وفاقی حکومت نا بابت ادارہ غاتون سلاہ و راہشونی ہلنگ نا پارت کرسا پارے کہ ننے ہندن ءُ پالیسی نا تشکیل نا گرج ءِ ہراڑان سرمایہ کار و پرائیویٹ شعبہ نا شریکی کن دوستانہ ءُ چاگڑد اس رسینگے، اگہ نن اسہ سال اٹ پی پی پی موڈ نا رداٹ مسہ ڈٹ ہم بنا کین تو دا اسہ بھلو سرسہبی اس مریک، دیوان اٹ مجوزہ ترامیم نا کل پہلو تا تفصیلی جاچ ءِ ہلسا بھاز اہم ءُ فیصلہ کننگا وخت اس کہ بلوچستان پبلک پرائیویٹ پارٹنر پالیسی 2020 نا لانچنگ نا منظوری ہم تس۔