نیمار تون اوار 3 بھلو فٹبالر ءِ کورونا مس

فرانس (مانیٹرنگ ڈیسک) برازیل نا پنی آ فٹبالر نیمار تون اوار مسہ بھلو گوازی گر کورونا وائرس نا گواچی مسنو۔ فرانسیسی خبر رساں ادارہ اے ایف پی نا رداٹ کہ فٹبال کلب پیرس سینٹ جرمین نا گوازی گر برازیلین فٹبال اسٹار نیمار و ایلو ارا گوازی گر تا کورونا ٹیسٹ مثبت بسنے۔ کلب تینا بیان اٹ گوازی گر تا پن تے پاش کتنے ولے پک کرینے کہ مسہ گوازی گر تا ٹیسٹ مثبت بسنے اوکان گڈ المی گام گیج کننگک۔ کلب نا رداٹ کل گوازی گر و کوچنگ کمامدار آتا ٹیسٹ انا سلسلہ برجا سلک۔ اے ایف پی پارینے کہ ہراتم اوفک گوازی گرتا پن تا بابت اٹ کلب تون رابطہ کریر تو اوفک پن ءِ پاش کننگ آن نمن مسر ولدا ہم حوالکار آک نیمار، اینجل ڈی ماریا، لینڈرو پریڈس نا کورونا نا گواچی مننگ ءِ پک کرینو۔ یات سلے کہ ہندا ہر مسٹ انگا گوازی گرک چمپئن لیگ نا فائنل اٹ بے سہبی آن پد ہسپانوی جزیرے ایبیزا آ چٹھی تے اڈ تننگ کن ہناسُر ہراڑے اوفک سنگت و سیال آتا پارٹی تیٹی بشخ ہلکر۔ ہندا سوب آن ہندا گمان ارے کہ ہر مسٹ آ گوازی گرک ہموکان کورونا وائرس نا گواچی مسر۔