پاکستان نا شونداری نا کسر بلوچستان آن گدرینگک، بلال کاکڑ

بلوچستان سرمایہ کاری بورڈ انا وائس چیئرمین بلال خان کاکڑ پارینے کہ پاکستان نا مدامگی شونداری و زرگزرانی شونہالی نا کسر بلوچستان آن گدرینگک۔ قدرتی وسیلہ، جغرافیائی اہمیت و زرکاری نا بھلا وارخواہی تا سوب آن بلوچستان ملکی زرگزران اٹی سرکڑدہی کڑد ادا کننگ نا بود تخک۔ تینا دفتر اٹی جتا جتا ڈل آتتون ہیت وگپ کرسا او پارے کہ بلوچستان اٹی امن و سوگوی نئے بیرہ صوبہ بلکن مچ آ ملک انا امن، سوگوی و شونداری نا ضمانت ءِ۔ امن آن زرکاری‘ کاروباری سرجز و روزگار نا پوسکن وارخواہی ودی مننگ اٹی ءِ ہرانا جوان زہم الس نا زند آتیا نمان وڑ اٹ تمنگ اٹی ءِ۔