چاغی شار اٹی سفائی نا حالیت دے پہ دے خراب مننگ ءِ، الس نا داں

چاغی شار اٹی سفائی نا حالیت دے پہ دے خراب مننگ اٹی ءِ‘ چاغی بازار نا نالی تیٹی کھدکتر و پودگل نا مچ مننگ آن ناجوڑی تا تالان مننگ نا خلیس ارے۔ چاغی انتظامیہ دکاندار تے سفائی نا پابند جوڑ کے، دکاندارک تینا دکان تا مون آ نالی تے سفاکیر‘ سرجم حوال آتا رِد اٹ چاغی شار اٹی نکاسی آب انا بھلا ویل پین خراب مننگ اٹی ءِ‘ چاغی بازار نا نالی تیٹی پودگل مچ مننگ آن گند آن دکاندار تا حالیت خراب ءِ۔ چاغی شار انا جتا جتا ہند آتیا کھدکتر نا ڈیمبری خننگک، چاغی شار اٹی سفائی نا نظام نا خراب مننگ گڑتی ودی کرینے۔ کھدکتر وگند انا سوب آن ناجوڑی تا تالان مننگ نا خلیس ارے۔ السی تپہ غاک ڈی سی چاغی جہانزیب نور شاہوانی، اسسٹنٹ کمشنر چاغی میر طاہر خان سنجرانی آن خوست کرینو کہ چاغی شار ءِ کھدکتر آن پاک کننگے‘ چاغی بازار نا نالی تا سفائی ءِ دکاندار تیان کرفنگے تانکہ سفائی نا نظام گچین مرے و ہر دکاندار تینا دکان نا مون آ نالی ءِ سفا کے۔ چاغی (نامہ نگار)