ٹرمپ نا جنگ بندی ڈٹ آن پد اسرائیلی جلہو اٹی 19 فلسطینی شہید
Get real time updates directly on you device, subscribe now.
امریکی صدر ڈونلڈ ٹرمپ نا کنڈ آن غزہ ٹی جنگ بندی کن کروک اسہ پوسکن آ ڈٹ انا پڑو آن پد ہم غزہ ٹی پوسکن آ اسرائیلی جلہو آتیٹی پین 19 فلسطینی شہید مسر۔ عرب میڈیا نا رِد اٹ غزہ شار انا السوسی ٹاور آ فضائی جلہو اٹی اُمیدوار زالبول اسے تون اوار اسہ خاہوت نا 3 بندغ شہید مسر، خان یونس نا علاقہ القرارہ اٹی اسہ اپارٹمنٹ آ جلہو اٹی خاہوت نا 3 بندغ شہید وخت اس کہ 3 ٹھپی مسر۔ نیامی غزہ نا دیر البلح اٹی 5 بندغ شہید مسر ہرافتیٹی اسہ زالبول اس ہم اوار ءِ‘ جبالیہ کیمپ، المواصی و الرمل اٹی ہم اسرائیلی جلہو آتیٹی کیہی فلسطینیک شہید و ٹھپی مسر۔ فلسطینی کمامدار آتا رد اٹ یک شنبے نا دے کننگوک جلہو آتیٹی دا منہ ہفتہ نا کل آن زیات شہادت آک ریکارڈ کننگانو۔