پسماندہ بلوچستان ایئر ایمبولینس نا فینسی پروجیکٹ ءِ سگنگ کپک‘ثناءبلوچ
Get real time updates directly on you device, subscribe now.
کوئٹہ (آن لائن) بلوچستان نیشنل پارٹی نا بنجائی راہشون و بلوچستان اسمبلی نا باسک ثناءبلوچ پارینے کہ نن مہالو پیدوار کرین کہ پسماندہ بلوچستان ایئر ایمبولینس نا فینسی پروجیکٹ ءِ سگنگ کپک‘ صوبہ ٹی جانجوڑی‘تعلیم کابنداوی بنچر بھس و ماہی گیری نا بشخ بدحالی ناگواچی ءِ‘ بلوچستان ءِ اسہ انقلابی و پوسکن ءُ پی ایس ڈی پی سے ناگرج ءِ۔ دا خیال آتا درشانی ءِ او تدوک آدے راجی رابطہ نا ویب سائٹ آ تینا جاری کروک بیان اٹ کرے۔ ثناءبلوچ پارے کہ نن بجٹ نا وخت آ دا سلاہ تسن کہ بلوچستان نا بھس مروک نظام دا وڑ انا فینسی Fancy پروجیکٹ ءِ سگنگ کپک‘ صوبہ ٹی جانجوڑی و تعلیم نا بنداوی بنچر بھس ءِ داڑے اسہ انقلابی و پوسکن ءُ پی ایس ڈی پی سے ناگرج ءِ ولے اسہ وار ولدا Construction Centric بجٹ پیش کننگا‘ او پارے کہ بلوچستان اٹ ماہی گیری نابشخ بھس ءِ‘ غیرکانودی ٹرالر آتون اوار داسہ رجسٹریشن و سالانہ تجدیدی فیس ءِ 5 سَد آن ودفسا25 ہزار کننگا و لانچ آتا فیس ءِ 5ہزار روپئی آن ودفسا 35 ہزار اسکان 1 لکھ روپئی کننگا دا ہرا جاگہ نا انصاف ءِ۔