کشمیر اٹ برجا بیدادی تا نوٹس ءِ ہلنگے‘بی اے پی زالبول ونگ

کوئٹہ (آن لائن) بلوچستان عوامی پارٹی زالبول ونگ انا کنڈآن کشمیر اٹ برجا بھارتی بیدادی تا برخلاف کوئٹہ پریس کلب نا مون آ برانزی مچی اڈ تننگا‘ برانزی تا کماشی ءِ بلوچستان عوامی پارٹی زالبول ونگ انا راہشون مینہ بلوچ کریکہ‘ برانزیک بینر و پلے کارڈ ہرفیسر ہرافتیا بھارت مردہ باد و کشمیرپاکستان ناءِ نا نعرہ غاک نوشتہ ئسر۔ برانزی تیان تران کرسا ترانکار آک پاریر کہ مظلوم کشمیری الس آ بھارت ناکنڈآن برجا بیدادی تیا پاکستان پبی وڑ اٹ توار چست کرسا کیک‘ بھارت نا انتہاءپسندی آ سوچ و گام گیج آک دنیا نا مون آ پاش مسنو۔ او پاریر کہ پاکستان و کشمیراسٹ ایلو کن المی ءُ‘ تدوک آدے بھارتی فوج اناکنڈآن کودک آ چنا نا مون آ اونا پیرہ ءِ کسفنگ نا اخس کہ مذمت ءِ کننگے کم ءِ۔ بھارتی فوج کودک آچنا نا مون آ اونا پیرہ ءِ کسفسا بیدادی نا پوسکن ءُ تاریخ اس جوڑ کرے۔ او انسانی حق آتا تنظیم‘ اقوام متحدہ و ایلوفتیان خواست کرے کہ کشمیر اٹ برجا بیدادی تا نوٹس ءِ ہلنگے۔