گوادر بالی پٹ آن مارچ اسکان آزمائشی جہاز آک بناکیرہ
Get real time updates directly on you device, subscribe now.
اسلام آباد: گوادر اٹی جہانی وڑانا بالی پٹ انا تفنگ ترندی اٹ برجاءِ، اومیت ءِ کہ مارچ 2023 اسکان گوادر بالی پٹ آ آزمائشی جہازآک بناکیرہ۔ گوادر پورٹ کمامدارآتارداٹ بالی پٹ انا تفنگ آن شار شونداری نا پوسکن آ دور اٹی اوار مریک۔ پاک چین اقتصادی راہداری ڈٹ انا رداٹ گوادر شار ءِ مرکزی اہمیت دوئی ءِ۔ گوادر اٹی جہانی وڑانا بالی پٹ اس مننگ ہم بھاز المی ئسک۔ گوادر انٹرنیشنل بالی پٹ نا تفنگ نا بناتدوک آسال مسوسس و ڈٹ آ کاریم ترندی اٹ برجاءِ۔ گوادر نا پوسکن آ بالی پٹ انا رن وے آ دنیا نا غٹ آن بھلا مسافر بردار جہاز 380 اے ءِ ہم لینڈنگ و بال کننگ نا آسراتی ساڑی مریک۔ حکومت گوادر اٹی برجا غٹ شونداری ڈٹ آتے پورو کننگ کن سنبرینگوک ءِ۔ گوادر اٹی 230 ملین ڈالر نا خڑچ آن تفنگوک آ بالی پٹ گوادر شار و پورٹ انا شونداری کن پیش خیمہ اس جوڑ مریک۔ بالی پٹ انا تفنگ آن ہراڑے گوادر جہانی شار انا درجہ دوئی کیک ہموڑے دا ڈٹ آن روزگار نا وارخواہی ودی مریک و دا بالی پٹ شار انا شونداری ٹی ہم بھاز کمکار مریک۔
(اے پی پی)