قطبی وزیرستان: سکیورٹی فورس آتا کارروائی ٹی 2 دہشتگرد خلنگار
Get real time updates directly on you device, subscribe now.
راولپنڈی : قطبی وزیرستان اٹ دہشت گرد و سکیورٹی فورس آتا نیام اٹ مروک سم کاری اٹ 2 دہشتگرد خلنگار۔ پاک فوج انا شعبہ تعلقات عامہ (آئی ایس پی آر) نا رد اٹ قطبی وزیرستان اٹ دہشتگرد و سکیورٹی فورس آتا نیام اٹ سم کاری مسنے ہراٹی 2 دہشت گرد خلنگار‘ دہشتگرد آتیان بھلو کچ اسے ٹی سلہہ و بنجر دوئی کننگانے۔ آئی ایس پی آر نا رد اٹ خلنگوک دہشت گرد آک سکیورٹی فورس آتا برخلاف کارروائی تا زموار ئسر‘ پاک فوج ملک آن دہشت گردی ءِ پورو چٹفنگ نا عزم کرینے۔ یات سلے کہ دہشت گردی نا برخلاف جنگ اٹ 87 ہزار آن زیات بندغ شہید مسنو۔ دہشت گردی نا برخلاف جنگ اٹ کودک آ شاری‘ سلہہ بند فوج‘پولیس و ایلو سول آرمڈ فورس آک قربانی تسنو۔
(آن لائن)