پاکستان کوسٹ گارڈ انا کارروائی ٹی منشیات دوئی، اسمگلر دزگیر
Get real time updates directly on you device, subscribe now.
کوئٹہ :پاکستان کوسٹ گارڈ نا ترجمان نا رداٹ وندر (بلوچستان) نا خڑک واقع ناکہ کھاری چیک پوسٹ آ چمن آن کراچی آ ہنوک آ مسافر کوچ اسے ٹی زالبول آتا پچ آتیٹی ملبوس مسافر آن 26.5کلو گرام بڑزکو کوالٹی نا چرس دوئی کرسا مسافر اسملگر ءِ دزگیر کننگا۔ ہلوک آ منشیات نا جہانی مارکیٹ مالیت 1.688 ملین ڈالر نا لگ بھگ ءُ۔ یات سلے کہ دا منشیات مسافر تینا جون آ جیکٹ نا تہہ ٹی اودیم کریسس دا مسافر چمن آن کراچی آ ہنوک آ بس جے ایم موورز اٹی سفر کریکہ۔ پاکستان کوسٹ گارڈ تینا روٹین نا رداٹ مسافر آتے چیک کرسا بس اٹی ساڑی 12 سال انا چنا ہراکہ زالبول نا لویس اٹی ملبوس ئس پٹنگ اٹی 26.5 کلو گرام چرس دوئی کرے۔ یات سلے کہ پاکستان کوسٹ گارڈ ناکہ کھاری چیک پوسٹ آ تینا الس نا رکھ و اسمگلنگ نا توننگ کن چیکنگ کیک۔ پاکستان کوسٹ گارڈ آئین و کانود نا رداٹ تینا کاریم سمگلنگ و منشیات نا برخلاف برجاتخک و پاکستان ءِ سوگو کننگ اٹ تینا کانودی کڑد ادا کرسا کیک۔
(اے پی پی)