اللہ بخش لہڑی(برج قوس)

اللہ بخش لہڑی یکم دسمبر 1977ء نا دے ودی مس۔ اونا برج ”قوس“ (Sagitarius) ءِ۔ (برج قوس انا دورانیہ 23 نومبر آن 22 دسمبر اسکان ءِ۔) استار ”مشتری“ (Jupiter) ءِ۔ ودی دے عدد ”3“ ءِ (ودی دے عدد ”3“ نا دورانیہ 19 فروری آن 27 مارچ یا 21 نومبر آن 27دسمبر اِسکان ءِ۔) برج انا تب ”خاخری“ (آتشی)، مرکب عدد ”46“ ءِ۔

Allah Bakhsh Lehri 1+3+3+1+5+2+1+2+5+3+5=31– 3+5+5+2+1=15– 31+15=46

پیشن نا ہزوہ ”کوپہ، ران“، تہہ انا ہزوہ ”مخ انا ہڈ“، نشانی ”تیر انداز“، ہجی حرف ”ف“، تب انا ایلو برج آک ”حمل، اسد“، تب آن چَپ برج آک ”جوزا، سنبلہ، حوت“ ءُ۔ ہندا وڑ انا ایلو برج آک ”میزان، عقرب، جدی، دلو“، لاتعلق برج آک ”ثور، سرطان“، کلید وجود ”خُلکت مزاجی، رکھ و سنبھال“ ءِ۔

اللہ بخش لہڑی نا برج (قوس) انا جوان انگا خاصیت آتے ٹی او شخصیت و کڑدار نا رد اٹ تینا منشاء اٹ چرّینگ و چکر خلنگ ءِ دوست توروک، سیل و سوات نا شوقی، قابل اعتماد، کس اسے تون درو کننگ آن مُرّ، بے اعتماد بندغ آتا سنگتی ءِ دوست توپننگ، ہر وڑ انا ہکل آتے امنا کروک، اوفتتون جوان وڑ اٹ مون تروک۔ مدام مونی ہننگ و شون و شرحالی نا پارہ غا راہی روان، سرسہب آ بندغ آتا رند ءِ دننگ (تقلید)۔ برج ”قوس“ نا دا ہم خاصیت ارے کہ بے کار وڑ انا گڑا و بے کسری ءِ دوست توپک، ہر گڑاءِ بھاز خوڑت ہرک، ایلوفتے فائدہ تننگ نا کوشست کیک و ایلوفتا کاریم اٹی بننگ نا کوشست کیک۔ زند انا رکھ و سنبھال ءِ بھاز المی تکک، مہر انا بدل اٹی مہر ءِ پین زیات کیک۔

برج ”قوس“ انا خواجہ دولت نا بھاز شوقی مریک، خڑچ کننگ اٹی سستی کیک۔ پیسہ نا خڑچ کننگ ءِ گناہ تکک۔ شہرت نا اوکان ہم زیات شوقی ءِ۔ گڑاس نزوری دا ہم اریر کہ خار اٹی زو بریک۔ بھلو باخو پٹک و ہر کاریم اٹی تینا منشا ءِ خواہک۔ فلرٹ نا زی آ فلرٹ کیک۔

اللہ بخش لہڑی نا ودی دے ئی نمبر ”3“ ءِ۔ دا نمبر نارد اٹ دا نمبر ناخواجہ بندغ آک مدام بھلا مسخت کن کوشست کیرہ۔ ایلو نا ہیت ءِ خوڑت بنرہ۔ بھلو بھلو تغ خنرہ۔ بھلا مسخت نا رند اٹ مریرہ۔

اللہ بخش لہڑی نا مرکب عدد ”46“ ءِ۔ دا مرکب عدد، مرکب عدد ”37“ تون خڑکی تخک۔ مرکب عدد ”37“ ایلو کل عدد آتیان جتا ءِ۔ دا عدد پارٹنر شپ اٹ جوڑ مروک آ منصوبہ غاتے کن سرسہب ءِ۔ و جنس مخالف نا کمک اٹ سرسہبی تے ہم پاش کیک۔ واہم مرکب عدد ”46“ اٹی اسہ ٹک اس گیشتری ءُ ارے او دا کہ دا عدد جنسی اسکینڈل نا گمان تے ودی کیک۔

اللہ بخش لہڑی نا ودی دے ئی تاریخ عدد اٹی تکرار ساڑی ءِ۔ دُن کہ تاریخ یکم فروری، تو دسمبر سال انا 12میکو تو ءِ دا ٹی عدد ”1“ ساڑی ءِ۔ ہندن سن 1977ء اٹی ہم عدد ”1“ ساڑی ءِ۔ مطلب کہ اونا ودی دے اٹی عدد ”1“ مسہ وار بسُّنے ہرا کہ فنون لطیفہ نا درشانی ءِ کیک۔ ہندن اونا ودی دے ٹی عدد ”7“ انا ہم تکرار ساڑی ءِ۔ دُن کہ سن 77ء اٹی ودی مسنے۔ عدد ”7“ روحانی عدد اسے۔ دا عدد دا گڑا ءِ ظاہر کیک کہ ہرکس نا تاریخ پیدائش اٹی عدد ”7“ نا تکرار مرے سرسہبی تا گمان تے پیدوار کیک۔ عدد ”7“ انا تکرار دولت مندی، مذہب تون چہوا، وجدانی لائخی تا تربیت، معاملہ غاتے جوان خوڑتی اٹ ہُننگ نا گرج مریک۔

اللہ بخش لہڑی نا برج ”قوس“ ءِ۔ براہوئی زبان نا ایلو برج ”قوس“ انا شاعر و ادیب آتے ٹی آمنہ یوسف موج (14 دسمبر 1947ء) و ڈاکٹر علی احمد شاد (20 دسمبر 1964ء) اوار ءُ۔

اللہ بخش لہڑ ی نا ودی دے ئی عدد ”3“ ءِ۔ ہندن براہوئی زبان نا ایلو ودی دے ئی عدد ”2“ نا شاعر و ادیب آتے ٹی آمنہ یوسف موج (14 دسمبر 1947ء)، اکرم ساجد (20 مارچ 1982ء)، پروفیسر عبدالحمید شاہوانی (11 مارچ 1954ء)، حاجی محمد عثمان بنگلزئی (یکم مارچ 1943ء)، ڈاکٹر علی احمد شاد 20 دسمبر 1964ء)، عنایت ساغر ؔ(3مارچ 1984ء)، غمخوار حیات (25مارچ 1975ء)، مراد صابر (10 مارچ 1988ء) و مولانا عبدالغفور درخانی (22مارچ 1922ء) اسک اوار ءُ۔

ہفتئی تلار
تاک: 27
23-17 جولائی 2021ء
پنہ: 03