بنجائی حکومت بلوچستان نا سویلی علاقہ غاتے کن خصوصی پیکیج اس ایتک‘ظہوربلیدی
Get real time updates directly on you device, subscribe now.
کوئٹہ (آن لائن) صوبائی وزیر خزانہ بلوچستان میر ظہوراحمدبلیدی پارینے کہ بنجائی حکومت بلوچستان نا سویلی پسماندہ و بے چیٹ علاقہ غاتا شونداری کن خصوصی پیکیج تننگ نا فیصلہ کرینے‘ بنائی وڑ اٹ سویلی بلوچستان پیکیج نا کچ ہچ مف 200 ارب روپئی ءِ‘پیکیج نا رد اٹ 10 آن زیات بشخ آتے ٹی درزن ناکچ بھلو ڈٹ بنا کننگک ولے بلوچستان نا قوم پرست جماعت آک پیکیج نا پن آ اعتراض کرسا پارینو کہ دا ڈٹ آتا پد اٹ صوبہ ءِ انتظامی و جغرافیائی وڑ اٹ بشخ وپانٹ کننگ کن کسر پٹنگ انگ ءِ۔ بلوچستان نا وزیر خزانہ ظہور بلیدی عرب میڈیا ءِ پارے کہ صوبہ نا سویلی علاقہ غاتے شونداری پیکیج تننگ نافیصلہ ءِ قومی ترقیاتی کونسل (این ڈی سی) کرینے۔