گل خان نصیر و عبدالرحمن کرد انا عملی زند و شاعری ٹی ہم رنگی و اسٹی      3

نصیرؔ و بابوؔ نا وطن مدام ہڑ و جنجال آتا آماچ مسنے، ہمو جور و سختی تا بابت نصیر پاہک:

پدا ماں اُوں، پدا جیل انت زمزیر

پدا ماں اتکگ انت گوں توپک و تیر

پدا ماتی وطن بجار لوٹیت

چہ بچاں تنگہ ئین و دحتگاں تیر“

(نصیر، 1971ء، 168)

بابو عبدالرحمن ہم ہندن زندان آتا بابت پاہک:

پدا جیل و زنجیر انا دور بس

پدا توفک و تیر انا دور بس

پدا گولہ و بمب باری نا زور

پدا ملک اٹی قہر و آفت نا شور“

(کرد، 1996ء، 107)

نصیرؔ و بابوؔ تینا کل زند ءِ یزیدی زوراک آتتون جنگ و جھیڑہ اٹ گدریفینو، نصیر پاہک:

”مں ہر دور و باری ہمے ماجرا انت

یزید مں سدان انت حسینؓ یکتنا انت

یزید ظلم و زورانی پرماں روا انت

حسینؓ حق و مظلوم ءِ پشت و پناہ انت

یزید جبر و قہرانت پہ راہ ءِ ردا انت

حسینؓ امن و حق ءِ مں راہ ءِ سرا انت“

(نصیر، 2014ء، 1492)

ہندا ڈَول بابو عبدالرحمن کرد پاہک:

حق انا زی آ اسُل جان ایتے نی

راہبری نا دا سبخ ءِ تس حسینؓ

عشق اٹی قربان جان و مال ءِ کر

زندگی نا دا سبخ ءِ تس حسینؓ“

(کرد، 1996ء، 87)

گل خان نصیر و بابو عبدالرحمن کرد انا است امن ایمنی کن مدام تلوسہ کیک، و بے جارات ءِ، انتئے کہ راستی اٹ امن ہر انسان نا است خواہی مریک۔ و امن تون اوار  زند سلامت سلک، امن زند و سلامتی نا ضمانت و زموار ارے۔ نصیرؔ پاہک:

”نصیر ءِ دل مروچی سوگوار انت

جہاں ابرستک و دنز آ تہار انت

مشین و ایٹمانی واؤزار اِنت

پدا انسان، انسان ءِ شکار انت“

(نصیر، 2014ء، 1430)

بابوؔ نا امن نا دنیا دا وڑ ارے:

”امن امان نا دنیا

گچین انسان نا دنیا

او دنیا شاد و آباد ءِ

اوڑے انسان آزاد ءِ

کس آزاری اس خنپک

بدی بے زاری اس خنپک“

(کرد، 1996ء، 120)

کٹیا:۔

گل خان نصیر و بابو عبدالرحمن کرد انا عملی زند و شاعری ءِ ہُننگ آن پد دا راستکی مون آ بریک کہ او تینا ڈیہہ و وطن نا مش تا زباد ءِ اسہ وڑ خنانو، و اوڑتون مہر تخانو و دا پھل انگا گلزمین نا زیبدار انگا ندارہ غاک ہڑتوم آتا مزغ اٹ اسہ وڑ اٹ ہندی مسنو۔ و اوفتے فکر اٹ شاغانو، و اوفتیا زہم شاغانو۔ ہندا سوب آن اوفتا زند اٹ نن ہمرنگی و اسٹی گام گام آ خننہ۔

اگہ نن تدوک آ تاریخ ءِ مون آ تخن گڑا دا ہیت و فکر مون آ بریک کہ نصیر و بابو تینا زمواری تیان سرپند ئسرہ و تینا گفتار و شاعری نا وسیلہ اٹ تینا زمواری تے راجی مہر آتتون اوار سہب مندی تون پورو کریر۔

………………

کتاب آک:۔

-1نصیر، گل خان، (1971ء)، ”گرند“ قلات پبلشرز مستونگ

-2نصیر، گل خان، (1981ء)، ”مشہد نا جنگ نامہ“، براہوئی اکیڈیمی

-3نصیر، گل خان، (2014ء)، ”تیر گال کاریت“،بلوچی اکیڈمی، کوئٹہ

-4کرد، عبدالرحمن،(1966ء)، ”شف گروک“،براہوئی اکیڈمی رجسٹرڈ پاکستان کوئٹہ

ہفتئی تلار

15-21 August 2020

تاک: 32

پنہ : 5