سعودی عرب ، وزارت دفاع ٹی کرپشن نا جاست پاست نا پرمان
Get real time updates directly on you device, subscribe now.
جدہ (آن لائن) سعودی عرب پُوسکن ئُ تاریخ اس رقم کرے۔ فرما نروا شاہ سلمان وزارت دفاع ٹی وڈی خوری نا وسیع البنیاد جاست و پاست انا پرمان تس۔ میڈیا رپورٹس آتا رداٹ سعودی عرب اٹ بیک وقت سول و فوجی کمامدار آتا برخلاف وڈی خوری نا جاست و پاست انا بنا ئِ کننگا۔ سعودی عرب نا اواری فوج انا کمانڈر لیفٹیننٹ جنرل فہد بن ترکی بن عبدالعزیز آل سعود نا برخلاف ہم وڈی خوری نا جاست و پاست انا پارت کرینے۔ سعودی علاقہ الجوف نا نائب گورنر نا برخلاف ہم وڈی خوری نا دوبہ غاتا جاست و پاست بنا مس۔ سعودی فرما روا ولی عہد، نائب وزیراعظم، وزیر دفاع شہزادہ محمد بن سلمان نا سفارش آ پرمان تس۔ سعودی فرما نروا شاہ سلمان نا حکمنامہ ٹی پارینے کہ جاست و پاست نا بنا سعودی وزارت دفاع ٹی مبینہ مالیاتی وڈی خوری آ کننگا۔ کمانڈر اواری فوج انا لیفٹیننٹ جنرل فہد بن ترکی ئِ عہدہ غان برطرف کرینے۔
talarpub.com