عمران خان تون اوار کل بایدے کانود ئِ شرف ایتر، مریم نواز

اسلام آباد(آن لائن) مسکوہی وزیر اعظم نواز شریف نا مسڑمریم نواز پارینے کہ کانود کل اکن بریبر مرے، نواز شریف تینے کانود نا مون آ سرنڈر کرے، عمران خان مرے، سپریم کورٹ نا حاضر سروس جج اس مرے، سرینا عیسی یا ولدا عاصم سلیم باجوہ کل ئِ کانود نا احترام ئِ کروئی مریک، سی پیک ئِ ہچ ئُ خلیس اس اف دا اسہ بندغ اسے نا معاملہ ئِ، عاصم سلیم باجوہ نا ویل آ وزیر اعظم مون آ برے و احتساب نا نعرہ ئِ پک کے۔ اسلام آباد ہائیکورٹ آ بننگ نا وخت آ میڈیا تون ہیت وگپ کرسا مریم نواز پارے کہ اپوزیشن نا اے پی سی ٹی بشخنداری نا بابت اٹ مسلم لیگ ن نوازشریف نا پارت آتے فالو کیک۔ نواز شریف مسہ وار دا ملک انا وزیر اعظم مسنے ولے اوڑان سٹی ئُ مقدمہ جوڑ کننگا۔ سٹی ئُ مقدمہ کرسا نواز شر یف و اونا مسڑ عدالت آتیٹی پیش مننگ کیرہ تو عاصم سلیم باجوہ، عمران خان تون اوار ہر اسٹ ئِ کانود نا مون آ شیف مروئی تمک کنتون ہچ ئُ سرکاری ئُ عہدہ یا پوزیشن اس الو ولدا ہم شش تو ڈیتھ سیل اٹ گدریفیٹ۔ نواز شر یف درمان نا پوروی و جانجوڑی اسکان پدی تینا ڈیہہ آ بریک۔

talarpub.com