سیل و سواتی سرجزآتا موکل کورونا نا تالانی نا سوب ئِ، ڈبلیو ایچ او
Get real time updates directly on you device, subscribe now.
جنیوا (اے پی پی) جہانی ادارہ جان جوڑی ریاست آتے خبڑدار کرینے کہ کاروباری سرجزآتے بحال کننگ و ایلو ادارہ غاتے ملوک آ ملک آک کورونا نا تالانی ئِ توننگ کن رکھی گام گیج آتیا عملدرآمد ئِ برجاتخر انتئے کہ رکھی گام گیج آتیاعمل کپننگ آن بیدس ملک آتے بھاز زوت ملنگ کورونا وائرس نا تباہ کن تالانی نا سوب ئِ۔ جہانی ادارہ جان جوڑی نا ڈائریکٹر جنرل ٹیڈروس ایڈہینوم تدوک آ دے جنیوا ہیڈکوارٹرآن صحافی تے پارے کہ اگہ دنیانا ملک آک کاروباری و ایلو السی ادارہ غاتے بھاز زوملنگ کن سنجیدہ ئُ تو اوفتے کوروناوائرس نا اسہ ایلو ئِ لگنگ نا توننگ و انسانی زندآتے بچفنگ اٹ ہم سنجیدگی نشان تروئی مریک انتئے کہ رکھی گام گیج آتیان بیدس کاروباری سرجز و ایلو ادارہ غاتے ملنگ کوروناوائرس نا تباہ کن تالانی نا سوب ئِ ہندا سوب ئِ کہ کوروناوائرس نا تالانی اخہ در زیات مون ئِ توننگک ہموخہ در اوفتے کن ادارہ غاتے ملنگ نا کسر آک زیات آوار مریرہ۔