غٹ کارندہ غاک دا سختی نا دے تیٹی الس نا کمک کن مون آ بریر، سردار یار محمد رند
Get real time updates directly on you device, subscribe now.
کوئٹہ(اے پی پی) صوبائی وزیر تعلیم و بلوچستان اسمبلی ٹی پی ٹی آئی نا پارلیمانی سروک سردار یار محمد رند پاکستان تحریک انصاف بلوچستان نا غٹ کارندہ غاتیان خواست کرینے کہ غٹ کارندہ غاک دا سختی نا دے تیٹی الس نا کمک ءِ کننگ کن مون آ بریر۔ و الس ءِ کورونانا برخلاف شعور و آگاہی تون اوار اوار اوفتا ہروڑکمک ءِ کیر۔ تینا جاری کروک بیان اٹی صوبائی وزیر تعلیم سردار یار محمد رند کارندہ غاتے پارت کرینے کہ غٹ کارندہ غاک اینو آن وزیراعظم ٹائیگر کروناریلیف فورس اٹی تینا رجسٹریشن ءِ کرفر، کارندہ غاک ہروڑنا نا حالیت آتا مقابلہ ءِ کننگ کن تیار مریر سردار یارمحمد رند پارے کہ نیزگار بندغ آتے وزیراعظم کروناریلیف ٹائیگر فورس انا کمک اٹ راشن و آگاہی فراوان کننگک ، غٹ کارندہ غاک داخیر انا کاریم اٹ تینا بشخ ءِ شاغر اوپارے کہ الس نا خذمت و الس اسکان ریلیف سرکننگ نا غٹ عمل ناای تینٹ چاروکی ءِ کیوہ اوپارت کرے کہ بلوچستان اٹی رجسٹرڈ شش لکھ نرینہ ونیاڑی کارندہ غاک کورونا ٹائیگر ریلیف فورس اٹی تینے رجسٹرڈ کیر تانکہ الس نا خذمت ءِ کننگ کیر داسخت انگا وخت اٹی پی ٹی آئی السءِ تنیا الیپک۔