لاہور: مولانا فضل الرحمن نا مریم نواز تون اوڑدہی، نن نا اِرغ کنگ

لاہور (آن لائن) جمعیت علماء اسلام (ف) نا کماش مولانا فضل الرحمن تینا دورہ لاہور نا ارٹمیکو دے شار اٹ اختہ ءُ دے اس گدریفے، ہندن پاننگ ءِ کہ او تینا پارٹی نا راہشون تا اسہ ڈل اسے نا کماشی ءِ کرسا پاکستان مسلم لیگ ن نا سینئر نائب صدر و مسکوہی وزیراعظم نواز شریف نا مسڑ مریم نواز تون اوڑدہی کرے۔ مولانا فضل الرحمن نا مریم نواز تون مروک آ اوڑدہی پی ڈی ایم نا صدر نا وڑاٹ اولیکو اوڑدہی ئس۔ ہراٹی فریق آک ملک انا ساڑی سیاسی حالیت آ ہیت وگپ کرے و حکومت ءِ اینگ کننگ نا رداٹ برانزی پروگرام آ جوان سلا کریر۔ اوکان پد ہرا یو آئی (ف) نا کماش مریم نواز نا کنڈآن تروک آ ارغ اٹ ہم بشخ ہلک۔