درآمدی خولم آ سبسڈی صوبہ غاتیان ہلنگک

درآمدی خولم تے صوبہ غاک کاریم اٹ تایرہ تو سبسڈی ہم اوفک ایتر، وزیر اعظم نا سبسڈی نا کچ ءِ پک کننگ کن جوڑ کمیٹی ٹی بنجائی وزیر حماد اظہر، سیکرٹری کن خور رکھ و چیئرمین ٹی سی پی اوار ءُ

داتم اسکان ملک اٹی درآمدی خولم نا مسہ جہاز سر مسنو، مسہ جہاز اٹی جم 195000میٹرک ٹن خولم درآمد کننگانے، ملک اٹی خولم نا اسہ من 1450 روپئیءِ، درآمدی خولم 1900 روپئی آن زیات آ تمنگ اٹی ءِ، حوال

اسلام آباد(آن لائن)بنجائی حکومت درآمدی خولم آ سبسڈی صوبہ غاتیان ہلنگ نا فیصلہ کرینے، درآمدی خولم تے صوبہ غاک کاریم اٹ تایرہ تو سبسڈی ہم اوفک ایتر، وزیر اعظم نا سبسڈی نا کچ ءِ پک کننگ کن جوڑ کمیٹی ٹی بنجائی وزیر حماد اظہر، سیکرٹری کن خور رکھ و چیئرمین ٹی سی پی اوار ءُ۔ داتم اسکان ملک اٹی درآمدی خولم نا مسہ جہاز سر مسنو، مسہ جہاز اٹی جم 195000میٹرک ٹن خولم درآمد کننگانے، ایہن خولم 1450 روپئی، وخت اس کہ درآمدی خولم 1900 روپئی آن زیات آ تمنگ اٹی ءِ، حوال آتا رد اٹ بنجائی حکومت درآمدی خولم آ سبسڈی تے صوبہ غاتیان ہلنگ نا فیصلہ کرینے، صوبہ غاتے فیصلہ نا بابت معلومدار کننگانے۔ خبر ایجنسی وزارت کن خور رکھ انا حوالی تا رد اٹ پارینے کہ تدوک آ دے وزیر اعظم کماشی ٹی خولم نا بابت اہم ءُ دیوان اس مس، درآمدی خولم آ سبسڈی تننگ نا بابت فیصلہ مفننگ آ وزیر اعظم عمران خان ترند مس، دیوان اٹی فیصلہ کننگا کہ درآمدی خولم آ سبسڈی صوبہ غاتیان ہلنگک۔ بنجا نا موقف ئس کہ درآمدی خولم صوبہ غاک کاریم اٹ اتیرہ تو سبسڈی ہم اوفک ایتر۔ ملک اٹی خولم نا سرکاری نہاد 1450روپئی فی من وخت اس کہ درآمدی خولم 1900روپئی آ تمک۔ وزیراعظم خولم نا نہاد آتے گچین پک کننگ کن مسہ باسکی کمیٹی اس ہم ٹہیفیننے، ہراٹی بنجائی وزیر حماد اظہر، سیکرٹری قومی کن خور رکھ، و چیئرمین ٹی سی پی اوار ءُ۔ درآمدی خولم نا ٹرانسپورٹیشن و ایلو خڑچ آتے ہم صوبہ غاتیان ہلنگک، صوبہ غاتے سبسڈی نا بابت فیصلہ غان معلومدار کننگانے، ملک اٹی داتم اسکان درآمدی خولم نا مسہ جہاز بسنو، ہر مسٹ آ جہاز آتیٹی جم ور اٹ 195000میٹرک ٹن خولم بسنو۔